Sessuver

In preservation at

Sessuver með augnasaum: það er í stærra lagi, 50 sm. að lengd og 34 sm. að breidd: á því er rauður, gulur, blár og grænn litur: í miðjunni er kross af gulum og bláum lit og rauður tígull á honum miðjum, en þar út í frá eru sexhyrningar og tíglar: á báðum endum sessuversins stendur með bandaletri: LATTU GUDS HÚND Þ[ig leiða hér etc.], en það er upphaf á 10. versi í 44. sálmi í Passíusálmum Hallgríms Péturssonar. Úr Þingeyjarsýslu. Handíðir horfinnar aldar - Sjónabók frá Skaftafelli: Munstrið sem er á sessunni er úr Sjónabók frá Skaftafelli, sem gerð var af Jóni Einarssyni bónda í Skaftafelli (f. um 1731, dáinn líklega 1789). Aðeins hafa varðveist níu sjónabókahandrit, svo vitað sé, þar af sjö í Þjóðminjasafni Íslands, eitt í einkaeign hér á landi og eitt í Þjóðminjasafni Dana í Kaupmannahöfn, en auk þess er kunnugt um fáeina staka uppdrætti á tvíblöðungum, lausum blöðum, innan um annað efni í handritum og jafnvel í einu tilviki á spássíu í handriti heilagra manna sagna frá 14. öld. Segir enda í Brandsstaðaannál árið 1800 að kvenfólk hafi haft „mikið til af uppdráttum á blöðum til útprjóns, flosverks,áklæða og sessuvera vefnaðar, leturbanda og útsaums, sem margt kom prýðilega vel út.“ (Sett inn af Sigrúnu Blöndal, 21.1.2011 - á bóndadag)

Main information

Donor: Kristján Jónasarson

Object-related numbers

Museumnumber a: 4287 "Museumnumber b": 1896-65

Dimensions

50 x 34 cm Lengd: 50 Breidd: 34 cm

Exhibition text

Sessuver með augnsaumi, á endum stendur: Láttu Guðs hönd þig leiða hér, úr versi í Passíusálmunum. Frá 19. öld. Úr Þingeyjarsýslu. Sessuver með svonefndum augnsaumi. Frá 19. öld.

Record type

Artifact

Collection

Undirskrá: Munasafn

Keywords

Keyword: Sessuver

References

Handíðir horfinnar aldar. Sjónabók frá Skaftafelli Þjms. Þ. og Þ. Th. 116. Inngangur eftir Elsu E. Guðjónsson. Reykjavík, 1994