Munsturbók
In preservation at
National Museum of Iceland
Sjónabók. Annað heiti:
Uppdráttabók, munsturbók.
Bókin er með pappaspjöldum og í
henni sex blaðsíður (blöð) með munstrum: 3 stafrófum, 1 tölustöfum,
15 bekkjum, 3 stökum rósamunstrum og 3 fangamörkum: G IÐAB (Guðrún Jónsdóttir
á Bókina?), G I og FHD (Friðrikka Halldórsdóttir, dóttir Guðrúnar). Fjögur
blöð hafa verið styrkt með sendibréfi frá Eiríki Halldórssyni, bróður Halldórs,
eiginmanns Guðrúnar. Það er dagsett á Þorgrímsstöðum 10 mars 1866.
(EH og HH voru bræður langa-langömmu EEG, Ragnheiðar). Næstaftasta
blaðið var í sundur þegar bókin kom.
Sjónabók ömmu (móðurömmu) Jóhönnu,
Guðrúnar Jónsdóttur á Hóli (sbr. bréf frá JK til EEG 13.11.1985 og svarbréf
EEG. Júlíana, móðursystir gefanda, átti bókina eftir að Guðrún dó
(ca 1912-13).
Handíðir horfinnar aldar - Sjónabók
frá Skaftafelli:
Aðeins hafa varðveist níu sjónabókahandrit,
svo vitað sé, þar af sjö í Þjóðminjasafni Íslands, eitt í einkaeign hér
á landi og eitt í Þjóðminjasafni Dana í Kaupmannahöfn, en auk þess er kunnugt
um fáeina staka uppdrætti á tvíblöðungum, lausum blöðum, innan um annað
efni í handritum og jafnvel í einu tilviki á spássíu í handriti heilagra
manna sagna frá 14. öld. Segir enda í Brandsstaðaannál árið
1800 að kvenfólk hafi haft „mikið til af uppdráttum á blöðum til útprjóns,
flosverks,áklæða og sessuvera vefnaðar, leturbanda og útsaums, sem margt
kom prýðilega vel út.“ Sjónabækurnar eru allar frá seinni hluta
18. og fyrri hluta 19. aldar að undanskilinni einni frá 17. öld, trúlega
frá því um eða nokkuð fyrir öldina miðja, og annarri, þeirri minnstu, frá
seinni hluta 19. aldar. [Innskot: Sú síðastnefnda er sú sem hér um
ræðir, Þjms. 18985-235] Svipað er um stöku uppdrættina; þar er einn
frá 17., en hinir frá 18. eða 19. öld.
(Sett inn af Sigrúnu Blöndal, 21.1.2011)
Main information
Material
Object-related numbers
"Museumnumber b": 1985-235
Record type
Collection
Undirskrá: Munasafn
Keywords
Keyword: Munsturbók
References
Handíðir horfinnar aldar.
Sjónabók frá Skaftafelli Þjms. Þ. og Þ. Th. 116. Inngangur
eftir Elsu E. Guðjónsson. Reykjavík, 1994