Go Back To Search
Do you know more?

Kort, til minningar + hlutv.

1931 - 1950
In preservation at
National Museum of Iceland
Sjö kort af mismunandi gerðum auk einnar efnisskrár píanótónleika: - Lítið appelsínugult umslag. Það er stílað á Herra Guðna Þorsteinsson Landakotsspítala. Á því eru tvö 5 aura frímerki. Í umslaginu er nýjárskort í sama lit, með gylltri rönd meðfram brúnum. Á það er skrifað: Gamlárskvöld 1931. Gleðilegt nýtt ár - þökk fyrir hið liðna! Gunnar. - Hvítt spjald með prentaðri mynd af kenndum manni og geit sem ýtir á eftir honum. Á kortið er skrifað: Nýjarsnótt 1932. Gleðilegt nýjár! Þökk fyrir hið liðna. Hiölli. - Nýjárskort. Á framhliðina er prentaður blómakrans og Gleðilegt nýtt ár! Á bakhliðina er skrifað: Hr. Guðni Þorsteinsson Stofu 2. Landakot. '32 með ynnilegri hjartans hamingju þökk fyrir liðna árið sem var fyrir nýtt árið eins og Sveinn segir. Frá JJÞ. - Jólakort í umslagi. Á umslaginu er 25 aura frímerki og á umslagið er skrifað: Hr. Guðni Þorsteinsson Hringbraut 173. Reykjavík (Aðfangadagskvöld). Í framhlið kortsins sjálfs er skorinn úr hringur og í gegnum hann sést ljósmynd af sumarhúsi eða skála. Það er vetur og á myndinni er einnig maður á skíðum. Umhverfis hringinn að framan er prentaður gulur og grænn krans og einig borði með rauðum stöfum: Gleðileg jól. Innan í kortið er skrifað, vinstra megin: Jólin 1945. Innileg ósk um gleðileg Jól og gott og færsællt komandi Ár JÓN R Guðjónsson. Hægra megin er ljósmyndin sem áður var getið og borði í íslensku fánalitunum.. - Boðskort í umslagi. Á umslaginu stendur: Hr. Guðni A. Þorsteinsson Mávahlíð 9, Rvík. og á því er 50 aura frímerki. Á sjálfu kortinu stendur: Í tilefni af fermingu dóttur okkar biðjum við yður Hr. Guðni A. Þorsteinsson að gjöra okkur þá ánægju að sitja miðdegisverð í Breiðfirðingabúð, sunnudaginn 23. apríl 1950, kl. 6,30 síðdegis. Þóra og Guðmundur Jónsson Holtsgötu 33. Svar óskast. - Hvítt spjald (símskeyti?). Á framhliðinni stendur: ICELAND RADIO. TF 3 EA. E. Pálsson. Bergstaðastræti 4 RvíK. Á bakhliðina er skrifað: Snæfellsjökull 15 okt. frá Radio TF3B G. Thorsteinsson Reykjahæli Ölvesi. Góð líðan Góð kveðja Matti. Ósvald Ásbjörnss. Radio TF3B. - Boðskort frá Tónlistarfélaginu. Á því stendur: Tónlistarfélagið biður yður hér með að vera við píanótónleika Agnesar Sigurðssonar, sem haldnir verða mánudaginn 7. júní 1948 e. h. í Austurbæjarbíói. Kortið gildir sem aðgöngumiði þennan eina dag. Prentað á grænan pappír. Með boðskortinu fylgir efnisskrá tónleikanna, tvíblöðungur prentaður á hvítan pappír.

Main information

Dating
1931 - 1950
Material
Object-related numbers
"Museumnumber b": 2005-5-15
Record type
Collection
Undirskrá: Munasafn
Keywords