Fatakista
1600 - 1700
In preservation at
National Museum of Iceland
Fatakista, smíðuð úr eik: er að vísu nú með furubotni, en hann mun yngri. Hún er 76,4 cm. að l., 41,2-42 (efst) cm. að br. og 48,5 að h. undir lok, en það er um 4 cm. að h. um miðju. Hliðar og gaflar eru spjaldsett, 3 í hliðum og 1 í göflum: á lokinu eru svo sem 2 umgjörðir og mjótt spjald í miðju. Kistan er öll, nema á bakhlið og botni, skreytt strikhefluðum listum, mörgum jafnframt tentum, og útskornum stoðum, 2 á hvorum gafli og 4 á framhlið, spónleggingum úr mahógný og doppum úr hvítu beini, ferhyrndum og kringlóttum, en þær eru aðeins á lokinu, og á því miðju, á mjóa spjaldinu, eru stafirnir RID, upphafsstafir konu þierrar er fyrst hefur átt kistuna: þeir eru gagnskornir úr hvítu beini og spjaldið spónlagt undir með mahógný. Þessir listar, stoðir o.fl. skrautverk hefur verið skreytt ýmsum litum, helst rauðum og bláum. Á stoðunum ofarlega eru útskorin mannsandlit, með eðlilegum litum og ákveðnum, einkennilegum svip: eru höfuðin földuð höfuðdúkum. Efst og neðst á stoðunum er eins konar blaðaskraut. Alt er þetta skrautverk í barokk-stíl og frá 17. öld. Það er að líkindum útlent að gerð, en gæti þó verið eptir Guðmund smið Guðmundsson frá Bjarnastaðahlíð. Af vinstra gafli er nú alt skrautverkið farið og af framhlið báðar miðstoðrinar og margir listanna: nokkra þeirra o.fl. vantar og á hægra gaflinn og lokið: en endurbæta mætti kistuna þó og gera eptir því sem til er enn í þá staði þar sem af er fallið. Hefur þetta verið límt á og því bilað, en sjálf er kistan geirnegld að sumu leyti og að sumu leyti negld saman með trjenöglum. Í báðum endum efst eru handraðar með strikhefluðu loki og botni. Á öllu verki er hið vandaðasta listasmíði. Skrá er fyrir og lamir á, en hvorugar upprunalegar: lykil vantar. - Kistan endurbætt 1927.
Main information
Dating
1600 - 1700
Material
Object-related numbers
Museumnumber a: 2497
"Museumnumber b": 1884-15
Dimensions
76.4 x 42 x 48.5 cm
Lengd: 76.4 Breidd: 42 Hæð: 48.5 cm
Record type
Collection
Undirskrá: Munasafn
Keywords
Keyword: Fatakista