Tóbaksbaukur

1750 - 1794

In preservation at

Neftóbaksbaukur Bjarna amtmanns Thorarensens. Silfurbúinn tannbaukur. Botninn er 8-strent lok á löm og er grafið innsigli Bjarna, skjaldarmerki hans, á það. Er baukurinn áttstrendur allur, nema stúturinn, aðal-hliðfletir breiðastir og sett á 8 blaða rós úr víravirki, eins og er á sumum millum. Stórt silfurblað, sem hengur niður á bolinn frá hettunni innanverðri stafar sennilega frá aðgerð. Tappinn er festur við með silfurfesti, 11 cm. langri: hann er 3,2 cm. að l. og 4,5 mm. að þverm. Stúturinn er að l. 5,3 cm. allur sívali hlutinn 2,1 að l., uppmjókkandi og með hring um efst. -Silfurblaðið stóra neðan-við hann hefur verið sett þar yfir gat, sem komið hefir þar á baukinn. Á neðri enda er svipaður búningur og á efri, áttstrendur, feldur á og niðurmjókkandi, l. 1,0 cm. Botnplatan er 2,3 að l. og 2 að br. Á neðri rönd stútsins og efri rönd botnbúningsins er laufaskurður. Undir víravirkisrósunum eru hringlur greyptar í tönnina, en nagli stendur í gegnum og eru hnoð á endum. Baukurinn er 4,6 að br. um miðju og 3,2 að þykt um víravirkisrósirnar, en l. er, með tappa, 12 cm., - 15 eptir ytri bug. Baukurinn hafði verið seldur listiðnaðarsafninu 18. okt. 1913 (fyrir 25 kr.: forstöðumaður safnsins hjer, Þjms., hafði boðið 75 kr. 1908).-Jón Thor, sonarsonur Bj. Thor. seldi: hann kvað baukinn fyrst hafa tilheyrt Skúla Magnússyni landfógeta, þá Bjarna Pálssyni, síðan Vigfúsi sýslum. Thorarensen ( Þórarinssyni ) og loks Bjarna, syni hans, og hafði Bjarni grafið sjálfur skjaldarmerki sitt á botninn. Frá Bj. Th. gekk svo baukurinn til sonar hans og síðan sonarsonar. - Stjórn listiðnaðarsafnsins gaf Þjms. hann fyrir tilmæli forstöðumanns þess við forstöðumann listiðnaðarsafnsins, er þeir hittust á safnamannafundi sumarið 1929 í Höfn (og Árósum). -Baukurinn hafði tölumerkið 8746 í listiðnaðarsafninu.