Order a photo Terms of Use

Ljósalilja

1450 - 1600

In preservation at

National Museum of Iceland

Kertispípa eða ljósalilja úr járni: hún er sjálf sívöl og niðurmjó eins og kramarahús, 6,7, vídd efst 2,1 - 2,2 að þverm. að utan: en út frá þessari niðurmjóu pípu, sem kertinu hefir verið stungið í, gengur essmynduð, sívöl álma, er virðist hafa verið hol að innan: hefir verið gerð úr þynnu, sem beygð hefir verið saman, og eru nú samskeytin sýnileg neðan-á þessari álmu: hún er nú 18 cm. að lengd eptir beygjunni og um 0,7 - 0,8 að þverm., en eptir hornrjettri línu út frá kertispípunni nær hún ekki meira en um 12,5 cm.: svo mikið gengur hún upp á við áður en hún beygist út aftur. -Þessi ljósalilja fannst í jörð í Reykholti og er mjög fornleg, sennilega frá miðöldunum. Að líkindum er hún af ljósahjálmi, sem verið hefir í kirkjunni þar, eða ef til vill notuð þar einstök líkt og veggarmar nú á dögum í ýmsum kirkjum. -Hún er nú mjög jetin og brunnin af ryði.