Kragi

1920 - 1936

In preservation at

Eins konar kragi sem mun hafa verið notaður á fundum í Stórstúku Íslands. Hann er úr rauðu flaueli og umhverfis hann að utanverðu og að neðan er kögur úr snúnum, gylltum vír. Einnig eru á honum tvö blóm úr sama efni. Yfir brjóstið er hann kræktur saman með einni lítilli krækju. Á bakhlið er hann fóðraður með bleiku satínefni. Kraginn er úr eigu Sigurðar Jónssonar, f. 6.5.1872, d. 17.6.1936. Sigurður var í framkvæmdanefnd Stórstúku Íslands á árunum 1927-1930 og 1935- dánardags 1936. Kraginn var trúlega eitthvert embættistákn. Sigurður var móðurafi gefenda: Margrétar Gísladóttur forvarðar, Önnu Gísladóttur kennara (f. 25.6.1933), Sigrúnar Gísladóttur lyfjafræðings (f. 7.11.1937) og Gests Gíslasonar jarðfræðings (f. 26.4.1946). Stærðir skráðar í Sarp 2: "L. 120 cm; Br. 10 - 21 cm"