Myndarammi
In preservation at
National Museum of Iceland
Lítill myndarammi, útskorinn af Jóhannesi Helgasyni skurðlistamanni frá Gíslabæ. Á rammanum er eins konar lilja skorin efst en neðst er engilsmynd. Ramminn er brotinn á einum stað að neðanverðu og vantar þar brotið á. Einnig hefur hann einhverju sinni brotnað neðst á þeim hluta sem engilsmyndin er, en hefur verið límdur saman. Þetta er rammi til að standa á borði en fóturinn að aftanverðu til að styðja við rammann er farinn af. Á umslagi sem ramminn var í stendur með hendi gefanda:
„Lára í Miðhúsum Breiðuvík átti þennan ramma, gaf mér hann þegar ég hitti hana í Miðhúsum á sjöunda áratugnum.
Lára Guðmundsd. frá Stóra-Kambi í Breiðuvíkurhrepp. Snæ. keypti rammann af Jóh. Helgasyni. Gaf mér hann þegar ég hitti hana í Miðhúsum á sjöunda áratugnum. Kristín Jónsdóttir.
Hún hafði keypt hann utan um mynd af manni sínum.“
Gripirnir nr. 2010-29-5 til 10 komu til safnsins 29.6.1998 en áttu ekki að skrást inn í safnið fyrr en fleiri gripir kæmu úr búi Petrínu Kristínar Jónsdóttur eftir hennar dag. Dóttir hennar, Kristín Helgadóttir, kom svo með fleiri gripi úr hennar búi (Þjms. 2010-29-1 til 4) þann 31.5.2010 og þá var ákveðið að skrá alla gripina saman á eitt númer, þ.e. 2010-29.
Gripunum fylgdi fjöldi upplýsinga, prentaðra og skrifaðra, sem varðveittar eru í möppu: Fylgiskjöl aðfangabókar. Þetta eru eftirfarandi gögn:
Æviágrip Guðbjargar Helgadóttur frá Gíslabæ á Hellnum (f. 21.11.1885).
Ljósrit af minningargreinum um Kristínu Jónsdóttur (Petrínu Kristínu Jónsdóttur).
Ritgerð um Jóhannes Helgason frá Hellnum, eftir Hildi Margrétardóttur.
Ljósrit af grein úr Lesbók Morgunblaðsins, 2. september 2000, um Jóhannes Helgason frá Gíslabæ á Hellnum.
Ljósmyndir af gripum eftir Jóhannes Helgason frá Gíslabæ á Hellnum.
Gjafabréf til Hellnakirkju varðandi útskorinn ramma eftir Jóhannes Helgason um altaristöflu í kirkjunni.
Úrklippur úr dagblöðum um útskorna rammann um altaristöfluna í Hellnakirkju.
Ljósrit af uppskrift af ljóði (grafskrift) um Jóhannes Helgason skurðlistamann frá Gíslabæ á Hellnum.
Ljóðið Förukarlinn eftir Davíð Stefánsson, handskrifað á tvö blöð.
Ljósmynd af Baðstofugafli síðasta Malarrifsbæjarins.
Ljósrit af skjalaskrám Borgarskjalasafns Reykjavíkur, úr skjalasafni Kristínar Helgadóttur þar, um hana sjálfa, um móður hennar, og um Guðmund Kristjánsson.
Gjafabréf til Þjóðminjasafnsins sem fylgdi gripunum sem bárust 1998 (Þjms. 2010-29-5 til 10).
Fleiri gögn.
Main information
Material
Object-related numbers
"Museumnumber b": 2010-29-9
Dimensions
16.1 x 12.6 x 1.3 cm
Lengd: 16.1 Breidd: 12.6 Hæð: 1.3 cm
Place
Staður: Malarrif, 356-Snæfellsbæ, Snæfellsbær
Record type
Collection
Undirskrá: Munasafn
Keywords
Keyword: Myndarammi
Place of origin
64°43'44.4"N 23°48'4.5"W