Signet, óþ. notkun
In preservation at
National Museum of Iceland
Tvö signet, er hann (gefandi) sendi safninu að gjöf. a. Signet, sem á er R. Það er með stétt úr látúni, sporlaga, kúptri nokkuð að ofan, og á bak kveikt lóðrétt, uppmjótt handfang úr nýsilfurslegum málmblendingi, loftverk á. H. um 2.6 sm og þar af er h. handfangs um 2.4 sm, l. við stétt 1.7 sm og br. mest 1.5 sm. Ávali við rönd og þar þrep, en neðan á innsiglismynd og mjó rista meðfram brún. Gerð lóðrétt, samhverf flúrmynd (?), neðarlega á miðbiki lækkaður reitur, næstum sporlaga og snýr lóðrétt, þverrákir á og í miðju R, stafurinn upphleyptur og látinn snúa öfugt, efst er svo grópuð fuglsmynd, mjög smá, og snýr fuglinn vinstri hlið fram, stendur hann á litlum, lóðréttum sporbaugsreit, lækkuðum, á reitinn grafnar þrjár lóðréttar skorur, en frá endum spretta greinar, gerðar með ristum og smáskorum, og liggja þær í átt að hliðum stéttar. Handfangið á signeti þessu er ílangt neðan og langsendis á, felldar hvor að annari tvær jafn stórar þynnur, eins, tengjast þar efst og niður að miðju, en eftir það flá þær og verður kluft milli. Sex op eru gegnum þynnurnar og standast þau á. Helftir (?) tengjast við tvö hin efstu. Grópir í og blaðshurðarsnið. Kveikt á við horn. Á stéttarbaki húð með sama blæ og er á handfanginu. All snotur gripur. Lítið eitt er handfang skakkt, látúnslitur á stéttarbrún. Sbr. Þjms. 3708, 6392, 8499, 13700, 13970, 10873, 11816, o.fl. b. Signet með S.P. Úr nýsilfurslegnum málmblendingi. Í stétt þunn plata, ílöng og ferhyrnd og sneitt af hornum, og í handfangi, sem sett er lóðrétt á stéttina langsendis, eru borðar, það er uppmjótt, með mjódd við miðju, og breiðast og þykkast neðst. H. öll 2.1 sm, þar af h. handfangs 2 sm, l. við stétt 1.8 sm, br. 1.3 sm, og br. við handfang mest um 1.3 sm, en mest þ. liðl. 0.5 sm. Á signetsfleti all breið gróp með brúnum og innan við önnur grennri, í miðju grafið S og P, lárétt og í spegilmynd, stafirnir í rithandarstíl og fléttaðir saman. Aðalhluti handfangs er borði, sveigður í miðju og þar toppur, armar kveiktir við stétt á endum og í umgerð þessari tveir litlir kumpásar úr sama efni, hringsveigjur gerðar á enda arma að innan og er í bilið á milli felldur annar kumpásinn, armar leggjast hvor að öðrum við mjóddina, en við topp er felldur í hinn kumpásinn í handfanginu, hann smágerðari. Hliðar flatar. Fallegur gripur. Sbr. n. nr. á undan og Þjms. 3708, 6392, 8499, 13700, 13970, 10873, 11816. Í bréfi gef. til þjóðminjav. frá 1.11.1954 segir: Ég sendi hér samkvæmt ósk móður minnar Ragnheiðar Jakobsdóttur prests Björnssonar 2 innsigli. R. innsiglið er smíðað af Birni gullsmið Jakobssyni Snorrasonar prests á Húsafelli Jakobssonar. Gaf Björn innsigli þetta konu sinni Ragnheiði Eggertsdóttur prests Guðmundssonar. Vóru Björn og Ragnheiður af og amma móður minnar. R. innsiglið sennilega meira er 120 ár. S.P. innsiglið er gert af Árna leturgrafara í Reykjavík, eign móðurmóður minnar Sólveigar Pálsdóttur bónda á Gilsbakka í Arnarfirði Einarssonar, konu séra Jakobs Björnssonar.
Main information
Object-related numbers
Museumnumber a: 15542-1
"Museumnumber b": 1954-175
Record type
Collection
Undirskrá: Munasafn
Keywords
Keyword: Signet, óþ. notkun