Go Back To Search
Do you know more?

Kistill, + hlutv.

1750 - 1850
In preservation at
National Museum of Iceland
Kistill úr furu, með loki með burstarlagi, negldur saman með trétöppum. Kistillinn er allur útskorinn. Á göflum eru jurtateinungar en á framhlið, bakhlið og á loki er áletrun, skorin með höfðaletri sem er sambundið með tveimur borðum. (e. "ribbon interlace"). Áletrunin hefst á bakhliðinni, heldur svo áfram á framhliðinni, færist svo yfir á aftari hlið loksins og endar á framhlið loksins (fram- og bakhliðar miðaðar við skrá og lamir). Hvorum megin við áletrun hvers flatar er skrautskurður hvaðan borðarnir sem liggja gegnum alla stafina ganga. Fornafnið, Guðrún, er á bak- og framhlið kistilsins. Þar er letrið öðruvísi en í föðurnafninu á lokinu. Á hliðunum er letrið tvöfalt, þ.e. leggur hvers bókstafs er tvöfaldur. Því virðist, við fyrstu sýn, sem mun fleiri stafir en þrír séu á hvorri hlið. Á lokinu eru stafirnir hinsvegar einfaldir. Áletrunin er eftirfarandi: GUD RUN HALLDOR SDOTTERA þ.e. Guðrún Halldórsdóttir á [kistilinn]. Þvert yfir mæni burstarinnar á lokinu er 2,9 cm breiður listi. Á hann hefur verið grafið: GIEFENN FR BRIEM AF SM SM Sýnilega er þessi áletrun yngri en kistillinn þó þverlistinn gæti verið upprunalegur. Á framhlið kistilsins er skrá, gömul, og lykill fylgir. Skráin er orðin lúin. Móthaldið, sem hefur verið fest á lokið innanvert og gengið inn í skrána hefur losnað frá lokinu og er nú fast í skránni. Lokið hefur orðið fyrir skemmdum þar sem móthaldið var fest við það. Lokið hefur einnig klofnað þvert út til beggja hliða út frá þessum sama stað. Á kistlinum eru tvær lamir, önnur sýnilega mun eldri en hin. Lokið hefur einnig klofnað út til beggja hliða frá festingum lamanna við lokið. Kistillinn hefur verið lakkaður og á botninum innanverðum og aðeins upp á hliðarnar er græn málning. Hún virðist vera undir lakkinu. Á kistlinum eru að auki nokkrar smáar málningarslettur. Kistillinn er þó í góðu ástandi og útskurður vandaður. Nokkrir trétappanna hafa losnað og glatast. Á einu horni botnsins er viðurinn eilítið ormétinn. Óvíst er að segja til um aldur kistilsins. Hann gæti verið frá því um 1800 en gæti einnig verið nokkuð eldri. Kistillinn kom úr föðurætt Finnboga Guðmundssonar landsbókavarðar (f. 8.1.1924), en hann er faðir gefanda. Gefandi er Helga Laufey Finnbogadóttir, Tjarnargötu 41 í Reykjavík.

Main information

Dating
1750 - 1850
Material
Object-related numbers
"Museumnumber b": 2009-3-2
Dimensions
21 x 31.7 x 23.4 cm Lengd: 21 Breidd: 31.7 Hæð: 23.4 cm
Record type
Collection
Undirskrá: Munasafn
Keywords