Koffur
In preservation at
National Museum of Iceland
Koffur úr gylltu silfri með sóleyjarmunstri Sigurðar málara Guðmundssonar. Er það gert úr fínni þráðum sem eru kveiktir á plötu sem liggur allt um kring. Koffrið smíðaði Sigurður Vigfússon fornfræðingur og silfursmiður og er stimpill hans aftan á koffrinu. Einn hlekk vantaði á milli liða í koffrinu, en Leifur Kaldal setti nýjan í, jafnframt því sem hann hreinsaði koffrið upp en á það hafði fallið talsvert. Sjá 1979/143.
1979 úr bréfi Ragnheiðar Jónsdóttur í U.S. A. til Jóns G. Sigurðssonar og fjölskyldu í Reykjavík: „Aðalheiður. Nú er ég búin að fá allar upplýsingar um þennan búning hjá mömmu, ég veit ekki hvernig ég gat verið búin að gleyma því eins oft og ég heyrði talað um þennan búning síðan ég var ung bæði af ömmu og Lóvu. Þessi búningur tilheyrði Ingibjörgu konu Jóns Sigurðssonar (þess vegna vildu allir eiga hann), þegar Jón og Ingibjörg dóu (þau dóu með stuttu millibili) þá fór allt þeirra innbú til Sigurðar sýslumanns (fóstursonar þeirra) í Stykkishólmi og konu hans Guðlaugar systur afa.(Séra Sigurður Jensson í Flatey). Þegar þau svo dóu (þau voru barnlaus) fór allt þeirra innbú til bræðra Guðlaugar sem voru afi og hans bræður. Sigríður kona Jóns Jenssonar rektors og amma vildu báðar fá þennan búning og amma vann. Löva sagði mér oft söguna um hvað Sigríður hefði orðið fornemmuð eða réttara sagt móðguð þegar hún fékk hann ekki, en einhvern veginn hafði restin af sögunni fallið í gleymsku hjá mér þótt ég muni þetta allt núna þegar búið er að segja mér það aftur. Mér þætti gaman að vita hvort einhver af þessum myndum sem eru í kassanum sem þú hefur af konum í skautbúningi, eru ekki af Ingibjörgu í þessum búnigi. Jæja, þetta er víst....“
Main information
Material
Object-related numbers
"Museumnumber b": 1979-145
Record type
Collection
Undirskrá: Munasafn
Keywords
Keyword: Koffur