Go Back To Search
Do you know more?

Silfurskeið, til matar + listakóði

1930
In preservation at
National Museum of Iceland
Þrjár litlar silfurskeiðar sem framleiddar voru sem minjagripir (minnisskeiðar) um Alþingishátíðina árið 1930 (þúsund ára afmæli Alþingis Íslendinga). Skeiðarnar eru allar eins og upphaflega voru þær fjórar saman en nú er ein þeirra glötuð. Á enda skafts er merki hátíðarinnar og þar stendur ALÞINGISHÁTÍÐIN með rúnaletri sem er sambland af víkingaaldar rúnaletri og íslenska rúnaletursins. Þar fyrir ofan stendur 930-1930. Fyrir neðan er stílfært víkingaaldarskraut og á leggnum stendur ISLAND með rúnum sem er einhvers konar sambland af nokkrum rúnaletrum. Á bakhlið skafts eru stimplar, efst er kóróna, þar fyrir neðan er A.B.A. og loks 90. Þetta er stimpill Árna Björns Björnssonar gullsmiðs en hann rak verkstæði og verslun í Lækjargötu 2 í Reykjavík og hafði hjá sér marga smiði. Þór Magnússon, fyrrum þjóðminjavörður, telur að talan 90 hljóti að þýða 90 (/100) silfur, sem er honum annars framandi því venjan er 825 (/1000), 830 (/1000) eða 925 (/1000) silfur. Skeiðarnar eru í mjög góðu ástandi. Móðursystir gefanda, Ástríður Ólafía Símonardóttir (f. 1895, d. 1958) keypti skeiðarnar árið 1930. Síðar fékk systir gefanda, Ásta Steingrímsdóttir þær. Hún giftist árið 1952 Bandaríkjamanni og ári síðar fluttu þau til Texas. Árið 1984 kom gefandi, Garðar Steingrímsson, heim með skeiðarnar í því skyni að koma þeim til Þjóðminjasafnsins. Það dróst en nú afhendir hann þær til safnsins.

Main information

Dating
1930
Material
Object-related numbers
"Museumnumber b": 2010-64
Dimensions
11.6 x 2.4 x 0 cm Lengd: 11.6 Breidd: 2.4 Hæð: 0 cm
Record type
Collection
Undirskrá: Munasafn
Keywords