Bátur

1900 - 1910

In preservation at

Grænmálaður kappróðrabátur. Bátinn átti Sigurjón Pétursson faðir Ásbjörns Péturssonar Álafossi. Sigurjón og bróðir hans Einar réru á bátnum með bláhvíta fánann 12. júní 1913 og kapteinninn á Islands Falk lét taka þá með hervaldi. Viðbót 27. júlí 2017: Í aðfangabók Þjóðminjasafns Íslands segir svo um bátinn: "Ásbjörn Sigurjónsson, Álafossi: Kappróðrarbátur sá er Sigurjón Pétursson faðir hans átti og Einar Pétursson bróðir hans reri á með bláhvíta fánann 12. júní 1913, er kapteinninn á Islands Falk lét taka hann með hvervaldi". (1) Sigurjón Pétursson átti bátinn og var Einar bróðir hans með bátinn að láni þegar þessi atburður átti sér stað og var einn um borð. (2) Þór Magnússon fyrrum þjóðminjavörður hefur það eftir gefanda að báturinn hafi upphaflega verið viðarlitur: "Ásbjörn, sonur Sigurjóns hefur fengið bátinn eftir föður sinn og gaf hann safninu. Ég sótti hann upp að Álafossi. Ásbjörn sagði mér að hann hefði oft róið á þessum báti föður síns og hann málaði hann grænan, var áður ferniseraður og með viðarlit." (3) Ekki er ólíklegt er að kappróðrarbátur Sigurjóns Péturssonar sé hinn sami og auglýstur var til sölu í blaðinu Ísafold 1909 og var þá sagður "spánnýr". Eigandi hans var H.W. Friis útgerðarmaður í Hafnarfirði. (4)