Kaffidúkur

1940 - 1945

In preservation at

Kaffidúkur úr þunnu, hvítu lérefti. Dúkurinn er ferhyrndur og með samlitri bómullarblúndu allt um kring. Á dúkinn er saumaður brúnn rammi og blóm í grænum, bleikum og fjólubláum litum. Það sem er sérstakt við þennan dúk að hann var notaður sem gestabók. Á heimili Guðrúnar Sveinsdóttur píanóleikara og Vigfúsar Einarssonar ríkisráðsritara að Fjólugötu 5 í Reykjavík, var dúkurinn dreginn fram í kaffiboðum þegar góða gesti bar að garði. Gestir skrifuðu nafn sitt á dúkinn. Fyrstur til að gera það var Páll Ísólfsson, tónskáld og dómorganisti. Eftir það varð það siður á heimilinu að gestir skrifuðu nöfn sín í dúkinn en Guðrún tók upp á því að sauma þau í dúkinn með varplegg ofan í pennablekið. Hún notaði til þess bláan útsaumsþráð. Líklegast eru flest nöfnin skrifuð á dúkinn á stríðsárunum. Gefandi er dóttir þeirra Guðrúnar og Vigfúsar, Herdís Vigfúsdóttir kennari sem enn býr í húsinu að Fjólugötu 5. Guðrún Sveinsdóttir var píanóleikari og tónlistarkennari. Foreldrar hennar voru Sveinn Hallgrímsson (fór til Ameríku og týndist) og Matthea Matthíasdóttir Jochumssonar. Vigfús Einarsson var skrifstofustjóri í atvinnu- og samgönguráðuneyti og ríkisráðsritari. Sjá ennfremur kaffidúk nr. Þjms. 2012-105 sem er samskonar og þessi og var notaður sem gestabók á heimili dóttur Guðrúnar, Herdísar Vigfúsdóttur. Eftirtalin nöfn eru skrifuð á listann (upplýsingar um fólkið eru fengnar frá gefanda, sjá möppu: Fylgiskjöl aðfangabókar): Aðalbjörg Sigurðardóttir kvenréttindakona Valgerður Þorsteinsdóttir systurdóttir Mattheu, móður Guðrúnar, gift Steingrími Þorsteinssyni Sigurður Guð... Anna Steingrímsdóttir dóttir Steingríms Matthíassonar Jón Nordal tónskáld, vinur Einars Vigfússonar Guðrún Guðmundsdóttir Þóra Vigfúsdóttir eiginkona Kristins E. Andréssonar Gunnþórunn Karlsdóttir Sigríður Eiríksdóttir móðir Vigdísar Finnbogadóttur Aagot Vilhjálmsson læknisfrú á Vopnafirði Þorsteinn Jóhannesson skólabróðir Guðrúnar Sveinsdóttur, faðir Tryggva Þorst.? Björn Ólafs. Björnsson fiðluleikari, alinn upp á Fjólugötu 7 Anna Matthíasdóttir dóttir séra Matthíasar í Grímsey Árni Kristjánsson píanóleikari Lárus Sigurjónsson bekkjarbróðir Vigfúsar - skáld, fluttist til Ameríku Matthías Þórðarson þjóðminjavörður Richard Fisher fékk að æfa sig á Fjólugötu 5 Rone Godwin Þóra Matthíasdóttir móðursystir Guðrúnar Sveinsdóttur, móðir Valgerðar Þorsteinsd. Guðný Matthíasson konar Gunnars Matthíassonar sem var næstyngstur sona Matthíasar, bjó í Ameríku Borghildur Björnsson fædd Thorsteinsson, Fjólugötu 7 K Barry...? Ebba Kr. Edwardsdóttir Guðrún Bjarnadóttir líklega dóttir bankastjóra á Akureyri sem síðar varð næturvörður í Útvegsbanka Helga Jónsdóttir Gunnar Matthíasson sonur Matthíasar Jochumssonar, bjó í Ameríku Jón Sigurðsson Halldór Jónasson bjó á Fjólugötu 5, bekkjarbróðir Vigfúsar, aðstoðarskólastjóri á Eiðum, vann síðar í banka Roy Hitman söngvari, tónlistarkennari í London, bjó á Íslandi á stríðsárunum Lárus Gíslason ? Sigrún Eiríksdóttir Baldur Steingrímsson tvíburi, sonur Steingríms Matthíassonar og Kristínar Jakob Kristinsson bróðir forstjóra SÍS, mikill guðfræðimaður Katrín Viðar píanóleikari, tónlistarkennari, móðir Jórunnar Viðar Elísabet Thors fædd Ólafsdóttir, kona Hilmars Thors, ólst upp á Fjólugötu 7 Anna Jónasson Einar Jörundsson ? Rigmor dönsk vinkona Guðrúnar Sveinsdóttur Unnur Skúladóttir Thoroddsen Erl. Guðmundsson í Unuhúsi Hanna Guðjónsdóttir söngkona, vinkona Erlendar í Unuhúsi, gift Stefáni Kr. Móðir Fjölnis Stefánssonar Ósvaldur Knudsen kvikmyndagerðarmaður Mary M Miller bresk kona, blind, rak gistiaðstöðu í London, hýsti marga Íslendinga Halldór Kiljan Laxness skáld Frank A Todd yfirmaður í bandaríska hernum, píanóleikari, fékk að æfa sig á Fjólugötu 5 ? Stefán Kristinsson eiginmaður Hönnu Guðjónsdóttur Helga Laxness systir Halldórs, vann í Hljóðfærahúsinu Stgr. Matthíasson sonur Matthíasar Jochumssonar, læknir Katrín Ólafsdóttir giftist Franz Mixa, ólst upp á Fjólugötu 7 Julian Best Jr. Þorgerður Ingólfsdóttir kórstjóri Þorsteinn Valdimarsson skáld Olav Kielland norskur hljómsveitastjóri Ina Grisch Guðmundur Matthíasson sonur séra Matthíasar í Grímsey, kennari við Tónlistarskólann og Kennaraskólann Bára Sigurbjörnsdóttir vinnukona á Fjólugötu, giftist Matthíasi syni Matthíasar í Grímsey Páll Ísólfsson kantor og tónskáld Kathryne Ouerstreet æfði sig á flygilinn á Fjólugötu 5 Aihryn Best ? Helene Monztyg ? Laufey Vilhjálmsdóttir Marie Sol... ? Jack McDougal Maija Lielausin Steingrímur J Þorsteinsson tónskáld Henrik Sveinsson sonur Sveins Björnssonar forseta Andrea ? Fredriksen eftir að sauma Guðmundur Karl Björnsson eftir að sauma, frændi Valtýs Péturssonar, eiginmanns Herdísar Vigfúsdóttur Dr. Victor Urbantschitsch hljómsveitastjóri með meiru Georg C Crause buisnessmaður frá Nice, Vigfús og Guðrún kynntust honum í Nice Sveinn Ólafsson tónlistamaður, lék í mörgum hljómsveitum Marcella Crause eiginkona Georgs C Crause Erlend nöfn geta verið tónlistamenn sem sóttu heimilið á stríðsárunum til að æfa sig eða heimsækja fjölskylduna Heimild: Herdís Vigfúsdóttir, Fjólugötu 5. 9. apríl 2007.