Go Back To Search
Do you know more?

Dyrabogi, úr kirkju

1584 - 1620
In preservation at
National Museum of Iceland
Úr aðfangabók: Dyrabogi, eða bogið dyratré.  Það er 1 alin og 10 þumlúngar á lengd, og er haglega skorið með fögrum blöðum, er beygjast upp á við til beggja enda.  Eptir blöðunum að dæma, hefir sá, er skorið hefir, verið mentaðri og lærðari í íþróttalistinni, en almennt hefir verið hér á landi.  Bogi þessi var fyrrum yfir kórdyrum í Hvammi í Hvammssveit, og er það gömul sögn, að Gísli Guðbrandsson, er var prestur í Hvammi 1584-1620, hafi skorið hann, og hafi sira Gísli þessi verið kallaður bíldhöggvari og málari.  Boginn er að því leyti merkur, að hann sýnir skurðarhagleik manna á þeirri tíð (sextándu öld), og jafnframt sannar hann, að menn höfðu þá bogalagaðar dyr á Íslandi, sem mönnum er nú orðið næsta ókunnugt um, og fyllir þannig mikið skarð í húsabygginga-sögu landsins, því að menn hafa enn til hurðir, kríngdar að ofan, sem sýna, að hin fornu dyratré hafa haft þetta lag, þó að það sjáist hvorki á sögum né annálum, svo eg viti, en að eins á fáum myndum.  Slíkir bogar voru alltíðir í fornöld, en bágt er nú orðið að sanna, hversu þeir hafi verið í hátt.  Ef til vill er þessi bogi eptir af síðustu leifum þeirra. (Texti Sigurðar Guðmundssonar) Upplýsingar um verk Gísla Guðbrandssonar koma fram í texta Þóru Kristjánsdóttur í Mynd á þili.  Ekkert kemur þó fram um dyrabogann umfram það sem stendur í textanum hér að ofan. (sbl, 21.9.2010)

Main information

Dating
1584 - 1620
Material
Object-related numbers
Museumnumber a: 64 "Museumnumber b": 1864-22
Dimensions
82 x 0 cm Lengd: 82 cm
Place
Staður: Hvammur í Dölum, 371-Búðardal, Dalabyggð
Exhibition text
Kórdyrabogi úr kirkjunni í Hvammi í Hvammssveit, útskorinn og málaður af séra Gísla Guðbrandssyni er prestur var þar 1584-1620 og kallaður hefur verið bíldhöggvari og málari. Einnig er þekktur eftir séra Gísla málaður útskurður úr Staðarfellskirkju. 64 Kórdyrabogi úr kirkju í Hvammi í Dalasýslu á Vesturlandi. Frá um 1600, skorinn og málaður af Gísla Guðbrandssyni, er prestur var þar 1584-1620. Fleiri útskornir kirkjugripir eru til eftir séra Gísla.
Record type
Collection
Undirskrá: Munasafn
Keywords
References
Þóra Kristjánsdóttir.  Mynd á þili.   Reykjavík, 2005: bl.s 40 - 43.

Place of origin

65°13'5.0"N 21°49'47.0"W