Go Back To Search
Do you know more?

Barmmerki, + hlutv.

1995 - 2007
In preservation at
National Museum of Iceland
Tíu barmmerki með pólitískum áróðri. Merkin eru öll hringlaga, flest úr málmi, með prentuðum skilaboðum og hlífðarplasti þar yfir. Á bakhliðum eru nælur til að festa merkin í barminn. Merkin eru eftirfarandi: - Merki með mynd af fálka (tákni Sjálfstæðisflokksins), borða í íslensku fánalitunum og skilaboðunum: Á RÉTTRI LEIÐ - x D (sem er listabókstafur Sjálfstæðisflokksins). (Þvm. 3,8 cm). - Merki í grænbláum, hvítum og svörtum lit. Á því stendur: x D, sem er listabókstafur Sjálfstæðisflokksins. Bakhliðin (platan sjálf) er úr hvítu plasti. (Þvm. 3,7 cm). - Merki á hvítum grunni með áletruninni xD, sem er listabókstafur Sjálfstæðisflokksins. X-ið er í grænum, rauðum og appelsínugulum litum en D-ið er dökkblátt. (Þvm. 3,7 cm). - Merki á bláum grunni með hvítum stöfum: TAKTU ÞÁTT - KJÓSTU BLÁTT. Þetta merki er vitaskuld frá Sjálfstæðisflokknum. (Þvm. 3,9 cm). - Merki á hvítum grunni með áletrun í gulum og bláum litum: xD ÁRANGUR fyrir ALLA. Merkið er frá Sjálfstæðisflokknum. (Þvm. 5,6 cm). - Merki á hvítum grunni með áprentun í bláum, gráum og appelsínugulum litum: SAMSTAÐA Í SUÐURKJÖRDÆMI. Fyrir neðan er útlínuteikning af Íslandi í gráum lit en Suðurkjördæmi er litað dökkblátt. Þar stendur svo xD sem er listabókstafur Sjálfstæðisflokksins. (Þvm. 5,6 cm). - Merki á hvítum grunni með áprentun í bláum, grænum, rauðum og appelsínugulum litum. Á því er teikning af 12 manneskjum; konum og börnum. Fyrir neðan stendur: ÁRANGUR fyrir ALLA, en það slagorð er frá Sjálfstæðisflokknum. (Þvm. 5,6 cm). - Merki á appelsínugulum grunni með hvítum og grænum stöfum: '95 FRAMSÓKN X-B. Eins og áletrunin gefur til kynna er merkið frá Framsóknarflokknum og hefur verið framleitt og því útdeilt fyrir Alþingiskosningar árið 1995. (Þv. 4,5 cm). - Merki á bleikum grunni með svartri áletrun: Gott fólk til góðra verka! xK. Áletrunin er ljósrituð á pappírinn, ekki prentuð eins og á hinum merkjunum. (Þvm. 3,7 cm). - Barmmerki með mynd af Bjarna Harðarsyni, Alþingismanni. Í bakgrunni er bókahilla og á merkinu er áletrun í grænum lit: Á þing ...þó hann skrolli. Merkið er væntanlega framleitt af stuðningsmönnum Bjarna fyrir Alþingiskosningarnar vorið 2007. (Þvm. 3,2 cm). Gefandi er Sigurður steindórsson, Túngötu 10 á Eyrarbakka. Merkin höfðu verið í bílskúrnum við heimili Sigurðar. Inga Lára Baldvinsdóttir, fagstjóri Ljósmyndasafns Íslands, afhenti merkin fyrir hönd Sigurðar.

Main information

Dating
1995 - 2007
Material
Object-related numbers
"Museumnumber b": 2008-2
Dimensions
5.6 x 0 x 0 cm Lengd: 5.6 Breidd: 0 Hæð: 0 cm
Record type
Collection
Undirskrá: Munasafn
Keywords