Drykkjarkanna
In preservation at
National Museum of Iceland
Úr aðfangabók:
Drykkjarkanna úr silfri, með handarhaldi, loki áföstu við það og stendur á þrem hnöttóttum fótum, granateplum: ganga 3 sveigð blöð upp á könnuna frá hverju epli, en eplin eru 2,6 að þverm. : sbr. Fig. 39 í Danske Sølvarb. fra Renaissancen til vore Dags udg. af JÝrgen Olrik, Kbh. 1915, bls. 20 (=DSA). Handarhaldið er G-myndað og nær hálfsívalt í gagnskurð, grennst neðst, br. um miðju 2: sbr. DSA Fig 36, bls. 18. Lokið er dálítið hvelft, h. 2,2 upp frá könnunni í miðju. Typpið aptast á því eru 2 granatepli eins og á DSA Fig. 36 - 37 og 39, 1,6 að þverm. hvort. Lokið er 12,5 að þverm. Á það að ofan er grafinn blómsveigur í barok-stíl og innan í honum eru letruð í kring nöfnin : ION TORVASEN GUDRIDUR MAGNUS DAATTER . Þau Jón og Guðríður bjuggu í Flatey á Breiðafirði. Jón var sonur sjera Torfa í Hvammi í Hvammsveit Finnssonar Jónssonar í Flatey Bjarnasonar að Reykhólum Þorleifssonar hirðstjóra ( d. 1467) Bjarnasonar riddara hins ríka, hirðstjóra ( d. 1467) og Ólafar konu hans hinnar ríku ( d. 1479), Loptsdóttur hins ríka (d. 1432) Guttormssonar. Jón þessi Torfason var sá er gaf Brynjólfi byskupi Sveinssyni Flateyjar-bók. Guðríður var dóttir Magnúsar sýslumanns í Haga (d. 1675), Jónssonar eldra sýslumanns í Dalasýslu, Magnússoanr prúða sýslumanns (d. 1591), Jónssonar ríka á Svalbarði Magnússoanr sýslumanns Þorkelssonar, prests í Laufási (d. 1483) Guðbjartssonar floks prests sama staðar, Ásgrímssonar prests (d. 1399), Guðbjartssoanr. Jón Torfason dó árið 1661. Á miðju lokinu er grafin mynd af fugli sitjandi og er snara um háls honum. Kann að vera merki Jóns Torfasonar. Kannan er að h. alls 16,2, 12,6 að dýpt og 11,7 að þverm. að innan, sívöl og sljett, bein upp lík í laginu og Fig. 37 og 39 á DSA. Hún er með 5 pelamerkjum innan við handarhaldið. Að þyngd er hún 835 gr. Neðan á botninum eru 2 stimplar, merki Kaupmannahafnar, óljóst og sjest ekki ártalið, og merki smiðsins, samandregin I og S, merki JÝrgens Stilcke, sem var silfursmíðameistari á síðari hluta 17. aldar í Höfn, öldurmaður 1668 dó 1683. Er enn margt til eptir hann, sbr. Danske Guldsen, MÝrker ved JÝrgen Olrik, Kbh. 1919, nr. 449, bls. 82. Grímur Thomsen á Bessastöðum átti þessa könnu og hefur ekkja hans, sem seldi hana safninu, látið grafa á botninn Gr.Th + 1896.
Main information
Material
Object-related numbers
Museumnumber a: 7703
"Museumnumber b": 1918-97
Dimensions
16.2 x 12.6 cm
Lengd: 16.2 Breidd: 12.6 cm
Place
Staður: Bessastaðir, Jörð, 225-Garðabæ, Garðabær
Record type
Collection
Undirskrá: Munasafn
Keywords
Keyword: Drykkjarkanna
References
Kristján Eldjárn. „Silfur Gríms Thomsens.“ Hundrað ár í Þjóðminjasafni. Reykjavík 1962, 58. þáttur.
Þór Magnússon. Silfur í Þjóðminjasafni. Reykjavík, 1996: 29.
Place of origin
64°6'22.7"N 21°59'35.3"W