Ker, óþ. notk.
1939
In preservation at
National Museum of Iceland
Ker úr leir, að mestu í grænum litum, dökkum. Líklegast blómaker. Kerið gerði Sigríður Björnsdóttir listakona (f.1879, d. 1942), árið 1939. Sigríður fór til Kaupmannahafnar í myndlistarnám árið 1903. Hún kom aftur til Íslands vorið 1905 en hélt að nýju til Kaupmannahafnar 1906 til frekara listnáms. Hún vann um tíma hjá Bing og Grøndahl. Til Íslands sneri hún aftur árið 1909. Hún kenndi um árabil teikningu og handavinnu við Kvennaskólann í Reykjavík og víðar. Sigríður var fyrst íslenskra kvenna sem fékkst við leirkerasmíði. Seint á fjórða áratugnum fékk Sigríður aðstöðu á leirkeravinnustofu Guðmundar Einarssonar frá Miðdal í Listvinahúsinu á Skólavörðuholtinu. Gripi sína merkti hún burstinni, tákni Listvinahússins, auk upphafsstafa sinna, SB Auk þess er oft að finna ártal með merkingunni og stimpilinn ÍSLAND. Þetta fernt á einmitt við þetta tiltekna leirker eftir hana: burstin, SB, ÍSLAND og ártalið 1939. Kerið er úr búi Sveins Björnssonar, fyrsta forseta íslenska lýðveldisins, en hann var bróðir Sigríðar.*
Um Sigríði má lesa frekar í bókinni Huldukonur í íslenskri myndlist, eftir Hrafnhildi Schram (útg. 2005), bls. 130-149.
Á miða sem fylgir gripum nr. Á-6989, Á-6990 og Á-6991 stendur:
„Þvottafat úr postulíni, með gylltum rósum og vöndum; tilheyrandi kanna úr sama efni með sama munstri. Leirker, fimmkantað (eftir G.E?). Þessir þrír hlutir eru fengnir í Ásbúðarsafn úr búi Sveins heitins forseta, fyrir meðalgöngu Magnúsar Guðjónssonar frá Langeyri í Hafnarfirði.“
Main information
Dating
1939
Material
Object-related numbers
Museumnumber a: Á-6991
Record type
Collection
Undirskrá: Ásbúðarsafn (Á)
Keywords
Keyword: Ker, óþ. notk.