Kapsel

In preservation at

Nisti: („Kapsel“) úr gylltu silfri, sporöskjulöguð, 2,0 x 2,4 cm, sem umgerð með gleri [er] báðum megin. Undir öðru glerinu er mynd af Jóni Sigurðssyni, sú þar sem hann situr við lítið borð með hægri höndina á borðinu, en vinstri höndina í barmi sér. Undir hinu glerinu er samanhringaður hárlokkur af Jóni, en undir er fjólublár grunnur. Yfir báðum hliðum nistisins eru lok, sem leika öndvert á þolinmóðum á hliðum umgerðarinnar og smella yfir glerin. Lokin eru laufskorin utan og bæði með eins konar þrykktu skrautverki. Ofan á nistinu er hringur til þess að hafa festi í. Allur þessi gripur hinn vandaðasti og vel með farinn.-Frú Ingibjörg kona Jóns Sigurðssonar, átti þetta nisti og bar það um hálsinn. Eftir hana fékk það Þórdís Jensdóttir (Sigurðssonar), þá dóttir hennar Kristín Þorvaldsdóttir (Prófasts Jónssonar á Ísafirði), kona Sigurjóns Jónssonar bankastjóra, en hún gaf það Þórdísi dóttur Gunnlaugs Classens læknis, en hún (nú frú Þórdís Hofdahl Lemvig, Jótlandi) gaf það Þjóðminjasafninu 1.7.1963. Um nistið eru dálítil bréfaskipti hér í safninu, milli frú Þórdísar og Sigurjóns, þar sem Sigurjón mælist til og Þórdís samþykkir að nistið fari ekki úr íslenskri eigu.

Main information

Donor: Þórdís Claessen Hofdahl

Material

Ólífræn efni, Málmur, Silfur

Object-related numbers

Museumnumber a: JS-226

Dimensions

2 x 2.4 cm Lengd: 2 Breidd: 2.4 cm

Record type

Artifact

Collection

Undirskrá: Jón Sigurðsson_Safn (JS)

Keywords

Keyword: Kapsel