Order a photo Terms of Use

Handmenntaskóli Íslands, teiknun og málun 1. önn

= 1981

In preservation at

Museum Of Design And Applied Art

Handmenntaskóli Íslands var bréfaskóli sem starfræktur var 1981-1995. Skólastjórinn var Friðrik G. Friðriksson og við skólann kenndu margir kennarar en til að byrja með helst þeir Haukur Halldórsson og Einar Þorsteinn Ásgeirsson. Nemendur gátu skráð sig í fjölbreytt námskeið og fengu send verkefni í pósti. Þá sendu nemendur unnin verkefni til kennara skólans sem svo gerðu athugasemdir og sendu til baka til nemenda. Til að byrja var boðið upp á fjögur námskeið (teiknun 1. og 2. önn, skrautskrift og bótasaumur) en framboðið jókst með árunum. Safnið geymir bæði frumrit og afrit af umbrotshönnun námsefnisins. Í frumritum eru oft handteiknaðar myndir notaðar sem sýnidæmi eða skýringarmyndir. Hér er fyrsta námskeiðið, Teiknun og málun 1. önn, kennsla í hlutateikningu og fjarvídd. Nemendur fengu verkfæri send með verkefnunum, t.a.m. blýanta og strokleður.