Go Back To Search

Handavinnusýnishorn

In preservation at
Reykjavík City Museum
Fimm handavinnusýnishorn. Uppruni óþekktur. e)  Vettlingur. Sjá ljósmynd. Efni: Ull. Tækni: Prjón. Tvíbanda vettlingur. Litir: Millibrúnn og dökkbrúnn. Vettlingurinn er greinilega notaður, því hann er slitinn og búið að gera við hann að hluta. Það er ekki vitað hver prjónaði hann. a)  Poki. Efni: Ull. Tækni: Handsaumur. Útsaumur. Lítill poki eða hirsla til að geyma í garnspotta. Dæmigerð nýting fyrri tíma. Pokinn er allur handsaumaður. Aðferð: Pokinn er úr þunnu og slitnu ullarefni og litlum krosssaumsbút með blómamunstri. Hann ber þess merki að hafa verið í mikilli notkun. Inn í pokanum eru garnafgangar / afgangsspottar. Það er ekki vitað hver saumaði pokann. Vigdís vann alla tíð með endurnýtingu. Það var henni eðlilegt að nýta efnis- og garnafganga og vinna úr gömlum fatnaði og öðrum textílum. Það má glöggt sjá á vinnu hennar í bútasaumi og útsaumi ásamt allra handa tilrauna- og föndurvinnu. Páll Baldvin sonur Vigdísar talar um “sjálfsprottna endurnýtingu”. Nýtni var nauðsynleg í öllu heimilishaldi áður fyrr, þegar lítið var til og þröngt í búi. b)   Íleppur. Efni: Ull. Tækni: Prjón. Garðaprjónaður íleppur í skó. Miðstykkið er með röndóttum bekk í miðju. Gamall íleppur. Það er ekki vitað hver prjónaði hann. c)  Barnasokkur. Efni: Ullargarn. Tækni: Prjón. Garðaprjónaður barnasokkur, sportsokkur. Sérstaða sokksins er að hann er prjónaður á tvo prjóna, fram og til baka og saumaður saman að aftan og fram í tá. Efst er stroff (slétt og brugðið), síðan garðaprjón. Gamall barnasokkur. Það er ekki vitað hver prjónaði hann. d)   Hælprufa. Efni: Ull. Tækni: Prjón. Hælprufa. Sérstök aðferð við að prjóna hæl. Ekki vitað um heiti á aðferð. Gömul prufa. Það er ekki vitað hvaðan hún kemur. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.        

Main information

Title
Proper noun: Handavinnusýnishorn
Technique
Object-related numbers
"Museumnumber b": 2017-34-16
Record type
Collection
Undirskrá: Skólahandavinna - textíll
Keywords