Nemendahandavinna Vigdísar 1947

1947

In preservation at

Nemendavinna Vigdísar úr Handavinnudeild Handíða- og myndlistaskólans 1947. a) Prjónageymsla. Efni: Bómull. Tækni: Vélsaumur. Handsaumur. Vélsaumuð prjónageymsla. Fóðrað stykki sem er hólfað niður að innan til að geyma í prjóna. Fangamarkið VP er saumað á framhliðina, mjóar efnisræmur úr fóðurefninu mynda stafina. Stafirnir saumaðir niður í höndum. Prjónageymslan er bundin saman með bandi úr sama fóðurefni. Stærð: 40 x 38 sm. Haft er eftir bekkjarsystur Vigdísar úr handavinnukennaranáminu Rannveigu Sigurðardóttur, þegar hún sá prjónageymslu Vigdísar: “Það var allt svo frumlegt hjá henni Vigdísi, hún skar sig úr hópnum”. Skrásetjarar heimsóttu Rannveigu árið 2017 til að spyrja hana um handavinnunámið. b) Barnakragi. Efni: Bómull. Tækni: Hekl. Handsaumur. Nemendavinna úr Handavinnudeild Handíða- og myndlistaskólans 1947, samkvæmt merkingnum Vigdísar Pálsdóttur. Heklaður barnakragi. Hekluð lengja með fastahekli þar sem farið er í annan lykkjuhelminginn. Heklið er látið mynda munstur í ytri kantinum. Kraginn er hnepptur með hneslu og tölu. Kraginn er heklaður úr fíngerðu heklugarni. c) Sýnishorn af sængurveri í 1/4 stærð. Efni: Bómull. Tækni: Vélsaumur. Útsaumur. Nemendavinna úr Handavinnudeild Handíða- og myndlistaskólans 1947, samkvæmt merkingnum Vigdísar Pálsdóttur. Sýnishorn af sængurveri í ¼ stærð. Vélsaumur og útsaumur. Sængurverið er saumað saman með tvöföldum saumi. Bendlabönd saumuð í faldinn að neðan. Breitt lek / fall er saumað þvert yfir sængurverið að framan og upphafsstafirnir VP saumaðir með flatsaumi fyrir ofan lekið / fallið. Stærð á sængurveri: 50 x 37 sm. d) Handavinnupoki. Efni: Strigi. Tækni: Handsaumur. Útsaumur. Nemendavinna úr Handavinnudeild Handíða- og myndlistaskólans 1947, samkvæmt merkingnum Vigdísar Pálsdóttur. Handavinnupoki. Tillaga að verkefni fyrir 9-10 ára nemendur. Pokinn er úr bláum hessianstriga með útsaumuðum vasa úr blárúðóttu efni (handavinnupokaefni). Útsaumsspor: Þræðispor, oddaspor, krosssaumur, lykkjuspor, klóspor og leggsaumur (kontorstingur / varpleggur). Pokinn er allur handsaumaður. Önnur hliðin er vörpuð (saumuð) saman með þéttu spori brún í brún. Það var erfitt að greina sporið hvort það væri unnið í vél eða í höndum. Þræðisporið er notað sem skraut á pokann. Pokinn er ekki alveg fullfrágenginn. Stærð á poka: 37 x 30.5 sm. Skrásetjarar (SG og SB) telja að verkefnahugmyndin hafi verið framúrstefnuleg á þessum tíma, bæði hvað varðar efnisval og útfærslu. Söfnun, greining og skráning. Sigrún Guðmundsdóttir fyrrverandi lektor í textílmennt við Menntavísindasvið HÍ og Sigrún Laufey Baldvinsdóttir fyrrverandi textílkennari við Grunnskóla Seltjarnarness, Mýrarhúsaskóla.