Mappa, + hlutv.
1875 - 1887
In preservation at
National Museum of Iceland
Bréfamappa skreytt útsaumi. Mappan er bundin inn í svart klæði sem líkist flaueli. Á framhliðinni er útsaumur sem samanstendur af blómum í rauðum og bláum litatónum, laufblöðum og stráum. Þegar mappan er opnuð er síða á vinstri hliðinni klædd glansandi pappír með yrjóttu munstri sem hægt er að lyfta og þar undir eru nokkur bleik blöð sem fest eru við möppuna með saumi, blöðin eru orðin laus frá en haldast enn á einum sauminum. Undir bleiku blöðunum er vasi á stærð við möppuna sem er tómur. Á hægri hlið möppunnar er eins vasi sem einnig er tómur. Sá vasi er einni klæddur glansandi pappír með yrjóttu munstri. Á einum stað hefur rifnað úr pappírnum. Á bleiku blöðunum eru víða blekklessur og einnig sér víða móta fyrir skrift sem ekki er hægt að lesa og hafa blöðin líklega verið notuð sem þerriblöð. Aðeins á einum stað á bleiku blöðunum er greinilega skrifað með fínlegri skrift K Briem. Mappan sjálf er í góðu ásigkomulagi en vasarnir og blöðin eru farin að láta á sjá.
Þjóðminjasafn Íslands tók við nokkrum gripum úr eigu Briem ættarinnar til varðveislu í safneign sína árið 2024. Gripirnir voru allir um tíma í eigu föður gefanda, Gunnlaugs E. Briem (f. 1922, d. 2014). Munirnir eru allir skráðir undir númerinu 2024-1. Með sumum gripunum fylgdi saga þeirra sem Gunnlaugur hafði skráð. Hann skrifaði inn í möppuna með blýanti upplýsingar um möppuna (sjá að neðan).
Kristín Guðmundsdóttir Briem (f. 1865, d. 1887) saumaði út blómaskrautið á forsíðu möppunnar. Hún var fyrri eiginkona Páls Briem (f. 1865, d. 1904), sýslumanns.
Í safneign Þjóðminjasafns Íslands er varðveitt ljósmynd af Kristínu Guðmundsdóttur Briem númer: Mms-5741
Upplýsingar skráðar inn í möppuna:
Kristín Guðmundsdóttir Briem (1865-1887), Auðnum. Saumað af henni sjálfri
GBr.
Main information
Dating
1875 - 1887
Material
Object-related numbers
"Museumnumber b": 2024-1-15
Dimensions
30 x 24 cm
Lengd: 30 Breidd: 24 cm
Record type
Collection
Undirskrá: Munasafn
Keywords