Order a photo Terms of Use

Reglustika

1912 - 1960

In preservation at

National Museum of Iceland

Reglustika úr málmi og leðri. Reglustikan er þunn og á öðrum enda hennar er gat sem líklega hefur verið notað til að hengja hana upp. Ofan á reglustikunni fyrir miðju er lítill húnn úr málmi til að halda við reglustikuna. Neðan á reglustikunni er leðuról sem fest er með fjórum málmstykkjum sem ná í gegnum reglustikuna. Leðurólin er nokkuð slitin. Engar mælieiningar eru á reglustikunni. Þjóðminjasafn Íslands tók við nokkrum gripum úr eigu Briem ættarinnar til varðveislu í safneign sína árið 2024. Munirnir eru allir skráðir undir númerinu 2024-1. Gripirnir voru allir um tíma í eigu föður gefanda, Gunnlaugs E. Briem (f. 1922, d. 2014). Með sumum gripunum fylgdi saga þeirra sem Gunnlaugur hafði skráð. Með reglustikunni fylgdi lítill handskrifaður miði með upplýsingum (sjá að neðan). Upplýsingar á miða: Reglustika Kristins Briems úr Briemsbúð á Sauðárkróki. Kristinn P. Briem (f. 1887, d. 1970) flutti til Sauðárkróks vorið 1912 ásamt konu sinni Kristínu Björnsdóttur Briem (f. 1889, d. 1961) og stofnaði þar verslun, Briemsbúð, sem hann rak í tæp fimmtíu ár. Hann átti um tíma sæti í hreppsnefnd Sauðárkróks og var sá fyrsti til að setja á stofn rafveitu til almenningsnota á Sauðárkróki sem raflýsti allan kaupstaðinn. Kristinn vakti fyrstur manna athygli opinberra aðila á að jarðhiti væri í Áshildarholtsvatni örstutt frá Sauðárkróki og hugsanlegum möguleiki á að þar fengist hitaveita fyrir Sauðárkrók. Árangur af þeirri glöggskyggni hans var hitaveita Sauðárkróks, sem komst í framkvæmd árið 1953. Í safneign Ljósmyndasafns Íslands er varðveitt ljósmynd af Kristni P. Briem númer Mms.-9686