Order a photo Terms of Use

Tertuspaði

1800 - 1895

In preservation at

National Museum of Iceland

Tertuspaði. Blaðið og neðri hluti skaftsins er úr silfri/silfurplett og efri hluti skaftsins er úr beini eða tönn. Blaðið er ílangt með rúnuðum hornum. Fallið hefur nokkuð á silfrið en spaðinn er í nokkuð góðu ásigkomulagi. Enginn stimpill er sjáanlegur. Meðfram kanti blaðsins er eins konar teinungaflétta í ætt við útskurðarmynstur á þremur hliðum af fjórum. Þar sem skaftið tengist blaðinu er upphleypt laufamunstur bæði að framan og aftan. Ofar á skaftinu er einnig upphleypt laufamunstur en minna. Á þeim hluta skaftsins sem er úr beini eða tönn eru tvær rendur samsíða hliðunum báðum megin. Þjóðminjasafn Íslands tók við nokkrum gripum úr eigu Briem ættarinnar til varðveislu í safneign sína árið 2024. Gripirnir voru allir um tíma í eigu föður gefandans, Gunnlaugs E. Briem (f. 1922, d. 2014). Með sumum gripunum fylgdi saga þeirra sem Gunnlaugur hafði skráð. Á spaðanum var vélritaður miði með upplýsingum (sjá að neðan). Munirnir eru allir skráðir undir númerinu 2024-1. Upplýsingar á miða: Tertuspaði úr eigu Eggerts Briem, sýslum Reynistað, Skag. og Ingibjargar Eiríksd. Briem konu hans. Langafi og langamma. Eggert f. 1811. d. 1894. Var í eigu foreldra minna. Gjöf frá móður minni .ca. 1940. G. Br. Efst á miðanum er handskrifað 1811-1894