Go Back To Search
Do you know more?

Svipa

1830 - 1925
In preservation at
National Museum of Iceland
Kvensvipa með leðuról. Ólin er 53 cm að lengd. Skaftið er úr við, 28,5 cm að lengd. Samfelld lengd svipunnar er 81,5 cm. Skaftið er mislitt og á því eru rispur. Silfurlitaður málmhólkar með greyptu mynstri eru á hvorum enda skaftsins og í miðju þess. Mynstrið samanstendur af mörgum fínlegum samhliða línum, beinum og hallandi. Á enda skaftsins er húnn, en ekkert fangamark.   Þjóðminjasafn Íslands tók við nokkrum gripum úr eigu Briem ættarinnar til varðveislu í safneign sína árið 2024. Gripirnir voru allir um tíma í eigu föður gefanda, Gunnlaugs E. Briem (f. 1922, d. 2014). Með sumum gripunum fylgdi saga þeirra sem Gunnlaugur hafði skráð. Hér að neðan má sjá skrif Gunnlaugs um kvensvipuna. Allir munirnir í gjöfinni eru skráðir undir númerinu Þjms. 2024-1.   Þjóðminjasafn Íslands varðveitir ljósmynd af Kristínu Björnsdóttur í safneign sinni. Myndin er númer Mms-30112 og á henni má sjá Kristínu ásamt systkinum sínum Ingibjörgu og Þorsteini.   Lýsing Gunnlaugs E. Briem:   Kvensvipa, er var í eigu móður minnar [Kristín Björnsdóttir Briem]. Svipa þessi er frá Unu ömmu minni, að ég best veit, en Una dvaldist á Sauðárkróki síðustu ár ævi sinnar. Hún lést árið 1928. Mun hafa komið með svipuna með sér frá Hofstöðum. Svipa þessi var í reiðuleysi inn í reiðtygjaskáp heima. Svipuna hefi ég gefið Kristni syni mínum á árinu 1966, hún verður í minni umsjá þar til hann er kominn til vits og ára.

Main information

Dating
1830 - 1925
Material
Object-related numbers
"Museumnumber b": 2024-1-5
Dimensions
81.5 x 2.3 cm Lengd: 81.5 Breidd: 2.3 cm
Record type
Collection
Undirskrá: Munasafn
Keywords
Keyword: Svipa