1100 ára afmæli Íslandsbyggðar

28.07.1974

In preservation at

Þingvellir 1974. Tómas Guðmundsson flytur ljóð. Haldið upp á 1100 ára afmæli Íslandsbyggðar á Þingvöllum 28. júlí 1974. Hátíðarhöldin á Þingvöllum voru sunnudaginn 28. júlí. Fleiri en 50 þúsund manns lögðu leið sína á Þingvelli af þessu tilefni eða ríflega fjórðungur þjóðarinnar. Veðurguðirnir voru hátíðinni hliðhollir. Fundur í sameinuðu Alþingi á Lögbergi samþykkti með 60 samhljóða atkvæðum að verja einum milljarði króna til gróðurverndar á næstu fjórum árum. Síðan var matarhlé, en eftir hádegi hófst hátíðardagskrá sem stóð fram undir kvöld. Halldór Laxness og Matthías Johannessen fluttu ávarp og Tómas Guðmundsson flutti hátíðarljóð. Forseti Íslands og ýmsir fyrirmenn og gestir erlendra ríkja fluttu árnaðaróskir. Á heiðursgestapalli voru fulltrúar 30-40 erlendra ríkja og blöktu þjóðfánar þeirra í samfelldri fánaborg skammt frá. Hátíðinni var sjónvarpað beint til allra landsmanna.