Suðri Ísl. Útvarp
1933
In preservation at
Skógar museum
Suðri er fyrsta gerð útvarpstækis sem Viðtækjasmiðja Ríkisútvarpsins framleiddi fyrir almenna notkun. Framleiðsla á Íslenskum útvarpstækjum hófst 1933 þegar Viðtækjasmiðja var sett á laggirnar í tengslum við viðgerðaverkstæði sem Ríkisútvarpið stofnaði til að þjónusta neytendur eftir að útsendingar útvarps hófust frá Vatnsendahæð á Langbylgju 1930. Hönnun tækjanna var einföld til að ná niður framleiðslukostnaði og gera sem flestum kleift að eignast útvarp, því erlend tæki kostuðu allt að þriggja mánaða launum verkamanns. Aðeins var gert ráð fyrir að tækin næðu sendingum frá Ríkisútvarpinu. Fyrstu gerðir „Suðra“ voru aðeins með tveim lömpum, en síðar með þrem eins og þetta tæki sem er í Skógasafni.
Öll íslensku útvarpstækin gengu eingöngu fyrir rafhlöðum. Tækið fannst í geymslu RUV á Vatnsendahæð, þegar félagar í Hollvinafélagi um sögu útvarpstækni á Íslandi voru að rýma húsið og bjarga hlutum þaðan 2022, áður en húsið var rifið. Undirritaður kom tækinu í lag og gat eftir það hlustað á útsendingu RUV á langbylgju sent frá Gufuskálum á Snæfellsnesi.
Heimild: Sigurður Harðarson rafeindavirki.
Main information
Title
Proper noun: Suðri Ísl. Útvarp
Dating
1933
Material
Object-related numbers
Museumnumber a: SHR-317
Dimensions
26 x 45 x 24 cm
3 kg
Lengd: 26 Breidd: 45 Hæð: 24 cm
Record type
Collection
Undirskrá: Samgöngusafnið
Undirskrá: Fjarskiptasafn Sigurðar Harðarsonar
Keywords
Keyword: Útvarp