Lögregla

21.12.1968

In preservation at

Eftir Víetnam-fund í Tjarnarbúð, desember 1968. Mannfjöldi með kröfuspjöld á mótmælum í miðbæ Reykjavíkur. Bardagi við lögreglu á Austurvelli, 21. desember 1968. Tvisvar skarst í odda milli lögreglu og mótmælenda eftir fundi í miðbæ Reykjavíkur rétt fyrir jólin 1968, þann 21. og 23. desember. Blóðug átök urðu í bæði skiptin. Æskulýðsfylkingin og Félag róttækra stúdenta boðaði til beggja fundanna. Fyrri viðburðurinn var eftir að átta ára afmælis Þjóðfrelsisfylkingarinnar í Suður-Víetnam var minnst á fundi í Tjarnarbúð þann 21. des. Þar talaði Nick Schira, bandarískur stúdentaleiðtogi, og Sveinn Hauksson, auk þess sem ljóð voru flutt. Þegar fundarmenn fóru út af fundinum hafði lögregla umkringt húsið og hóf þegar handtökur. Átök urðu og bárust út á Austurvöll. Seinna skiptið var á Þorláksmessu, eftir fund sem haldinn var í Sigtúni. Þar voru ræðumenn Þorvaldur Þórarinsson hæstaréttarlögmaður, Sigurður A. Magnússon rithöfundur og Gujón Jónsson formaður Félags járniðnaðarmanna. Átök urðu þegar mótmælaganga var fyrirhuguð eftir fundinn, lögreglan notaði kylfur, braut kröfuspjöld og handtók nokkra. Alls voru um 20 fluttir á slysadeild og yfir 20 handteknir. Miklar deilur urðu um þessi átök.