Go Back To Search
Do you know more?

Skál, til skrauts

1965 - 1990
In preservation at
National Museum of Iceland
Dökkblá keramik skál með hringformum. Skálin er búin til af hjónunum Tove Kjarval og Robin Lökken. Neðan á skálina er þrykkt: Kjarval Lökken, Handmade Iceland. Skálin er skreytt með misstórum hringformum í gulum, rauðum og appelsínugulum lit. Umhverfis hringina er hvítur glerungur sem verður ljósblár ofan á dökkbláa glerungnum. Á fjórum stöðum á barmi skálarinnar hefur aðeins brotnað upp úr glerungnum en litað hefur verið í götin, hugsanlega með penna til þess að þau væru ekki jafn áberandi. Meðfram botninum hefur brotnað upp úr leirnum á einum stað. Hæð: 2,5 cm, þvm. 14,4 cm.   Hjónin Tove Kjarval og Robin Lökken voru bæði menntaðir leirkerasmiðir. Þau stofnuðu leirkeraverkstæði á Seltjarnarnesi árið 1965, voru síðan í þrjú ár við verkstæðisrekstur í Hveragerði. Eftir það fluttu þau í Laugarásinn við Brúnaveg 7 þar sem þau bjuggu og komu sér upp leirmunaverkstæði í litlu húsi ofar á lóðinni.    Leirmuninn átti Emma Christence Benediktsson (fædd Reerslev árið 1928). Þjóðminjasafnið tók við fleiri íslenskum leirgripum úr hennar eigu til varðveislu og eru þeir allir skráðir undir númerinu Þjms. 2024-69.  

Main information

Dating
1965 - 1990
Material
Object-related numbers
"Museumnumber b": 2024-69-5
Record type
Collection
Undirskrá: Munasafn
Keywords
References
(1974, 24. febrúar). „Ennþá litið á þetta sem kerlingadútl". Lesbók Morgunblaðsins, bls 7.