Veggplatti

1974

In preservation at

Veggplatti með áletrun. Sýsluplatti búinn til hjá Glit í tilefni af 1100 ára afmæli Íslandsbyggðar árið 1974. Á plattanum er eftirfaranadi áletrun: 874 Norður Þingeyjarsýsla 1974. Plattinn er grár að lit og á honum er mynd af skýjuðum himni og fjalli. Aftan á plattanum er þrykkt Glit Iceland Lava. Plattinn er í góðu ásigkomulagi. Aftan á honum er gat til að hengja plattann á vegg. Þvermál:19 cm. Leirmunaverkstæðið Glit var starfandi frá 1957-1992. Glit var stofnað af Ragnari Kjartanssyni, Einari Elíassyni og Pétri Sæmundsen en auk þeirra voru stofnendur einnig Katrín Guðmunsdóttir, eiginkona Ragnars og Guðrún Sæmundsen, eiginkona Péturs. Starfsemi Glit flutti úr bakhúsi við Óðinsgötu 13b árið 1971 í talsvert stærra húsnæði við Höfðabakka 9, með það fyrir augum að gera Glit að nútímalegri og afkastamilli verksmiðju. Þessi veggplatti hefur líklega verið gerður í húsnæði Glits að Höfðabakka þegar Orri Vigfússon var framkvæmdastjóri þess en hann gegndi því starfi frá 1973-1988. Eftir árið 1988 dróst starfsemin saman og var Glit lagt niður árið 1992. Leirmuninn átti Emma Christence Benediktsson (fædd Reerslev árið 1928). Þjóðminjasafnið tók við fleiri íslenskum leirgripum úr hennar eigu til varðveislu og eru þeir allir skráðir undir númerinu Þjms. 2024-69.