Dúkka, leikfang
1925 - 1935
In preservation at
National Museum of Iceland
Smágerð dúkka / brúða úr plasti. Útllimir dúkkunnar eru hreyfanlegir og strengdir saman með bandi í gegnum búk hennar. Dúkkan hefur brúnt, úfið hár og þvertopp. Dökkbrúnir hælaskór og ljósbrúnir sokkar eru málaðir á dúkkuna. Hún er í hekluðum kjól, grænum að lit með hvítum köntum. Kjóllinn er stuttur, stutterma og baki hans er lokað með perlu. Á baki dúkkunnar er framleiðslumerking, þar stendur númerið "13" og "GERMANY". Dúkkan er því þýsk framleiðsla. Dúkkan er 12,5 cm á hæð. Hún er í góðu ástandi en bandið sem strengt er í útlimi hennar orðið nokkuð lauslegt.
Gefandi er Ragnar Önundarson. Dúkkan er úr eigu móður hans, Evu Harne Ragnarsdóttur (f. 1922, d. 2019). Dúkkan er frá þriðja eða fjórða áratug 20. aldar. Eva var dóttir Ragnars Ásgeirssonar (f. 1895, d. 1973) ráðunauts og Grethe Harne Ásgeirsson, skírð Olga Margrethe Harne Nielsen (f. 1895, d. 1971) frá Árósum í Danmörku. Eva var elsta barn þeirra hjóna, systkini hennar voru Úlfur (f. 1923, d. 2008) læknir, Sigrún (f. 1924, d. 2002) kennari og Haukur (f. 1929, d. 2006) skógfræðingur. Eva lauk stúdentsprófi frá MA árið 1943. Árið 1946 giftist hún Önundi Ásgeirssyni (f. 1920, d. 2015) forstjóra og bjuggu þau lengst af á Kleifarvegi 12 í Reykjavík. Eva starfaði sem blaðamaður og kennari í Reykjavík fram til 1948, en helgaði sig húsmóðurstörfum eftir það. Eva og Önundur eignuðust fjögur börn, Gretu (f. 1948), Ásgeir (f. 1950), Ragnar (f. 1952) og Pál Torfa (f. 1955).
Ýmsir munir fylgdu dúkkunni og eru þeir skráðir undir Þjms. 2020-67. Þar á meðal voru dúkkur (Þjms. 2020-67-2, 4 og 5), brúðufatnaður (Þjms. 2020-67-7) og brúðuvagga (Þjms. 2020-67-8) úr eigu Evu.
Main information
Dating
1925 - 1935
Object-related numbers
"Museumnumber b": 2020-67-3
Dimensions
0 x 0 x 12.5 cm
Hæð: 12.5 cm
Record type
Collection
Undirskrá: Munasafn
Keywords
Keyword: Dúkka, leikfang
References
Eva Ragnarsdóttir. (2019, 2. júlí). Morgunblaðið, bls. 19. Sótt af: https://timarit.is/page/7127098