Go Back To Search
Do you know more?

Dúkka, leikfang

1925 - 1935
In preservation at
National Museum of Iceland
Dúkka / brúða úr plasti. Hún er í góðu ástandi en afar viðkvæm. Dúkkan er í prjónuðum fötum. Hún er klædd fjólubláum gammosíum og sægrænni peysu. Bleikur bekkur er í stroffi peysunnar og tvær hvítar tölur eru á annarri öxl hennar. Dúkkan hefur fjólubláa húfu á höfði, dúskur er á henni og er hún bundin undir höku. Dúkkan er 35 cm á hæð. Með dúkkunni fylgja dúkkuföt / brúðuföt til skiptanna. Henni fylgir heklaður kjóll, sægrænn að lit og stutterma. Fimm hvítar tölur loka baki kjólsins. Dúkkunni fylgir einnig hekluð peysa, fölbleik með hvítum köntum. Peysan er opin og með víðar ermar sem dregnar eru saman við úlnliði. Einnig fylgja prjónaðar nærbuxur, fölbleikar að lit. Buxurnar eru rykktar saman í mittið með hvítum spotta. Dúkkunni fylgja þá fjórar húfur. Ein þeirra er saumuð úr þunnu, bleiku efni og hvítri blúndu og bundin undir höku með borða. Hinar þrjár eru heklaðar. Ein þeirra er bleik að lit með hvítum kanti, í stíl við peysuna. Hinar tvær eru sægrænar að lit. Önnur þeirra hefur hvít og bleik blóm við hvort eyra og er bundin undir höku með borða. Hin líkist franskri beret húfu. Báðar eru í stíl við kjólinn. Heklað skópar fylgir dúkkunni, það er bleikt að lit með hvítum köntum. Einnig fylgir henni stakur, heklaður skór. Sá er hvítur að lit með rauðum þráðum og dúski. Gefandi er Ragnar Önundarson. Dúkkan er úr eigu móður hans, Evu Harne Ragnarsdóttur (f. 1922, d. 2019). Dúkkan og klæðnaðurinn sem henni fylgir er frá þriðja eða fjórða áratug 20. aldar. Eva var dóttir Ragnars Ásgeirssonar (f. 1895, d. 1973) ráðunauts og Grethe Harne Ásgeirsson, skírð Olga Margrethe Harne Nielsen (f. 1895, d. 1971) frá Árósum í Danmörku. Eva var elsta barn þeirra hjóna, systkini hennar voru Úlfur (f. 1923, d. 2008) læknir, Sigrún (f. 1924, d. 2002) kennari og Haukur (f. 1929, d. 2006) skógfræðingur. Eva lauk stúdentsprófi frá MA árið 1943. Árið 1946 giftist hún Önundi Ásgeirssyni (f. 1920, d. 2015) forstjóra og bjuggu þau lengst af á Kleifarvegi 12 í Reykjavík. Eva starfaði sem blaðamaður og kennari í Reykjavík fram til 1948, en helgaði sig húsmóðurstörfum eftir það. Eva og Önundur eignuðust fjögur börn, Gretu (f. 1948), Ásgeir (f. 1950), Ragnar (f. 1952) og Pál Torfa (f. 1955). Ýmsir munir fylgdu dúkkunni og eru þeir skráðir undir Þjms. 2020-67. Þar á meðal voru dúkkur (Þjms. 2020-67-3 til 5), brúðufatnaður (Þjms. 2020-67-7) og brúðuvagga (Þjms. 2020-67-8) úr eigu Evu.

Main information

Dating
1925 - 1935
Material
Object-related numbers
"Museumnumber b": 2020-67-2
Dimensions
0 x 0 x 35 cm Hæð: 35 cm
Record type
Collection
Undirskrá: Munasafn
Keywords
References
Eva Ragnarsdóttir. (2019, 2. júlí). Morgunblaðið, bls. 19. Sótt af: https://timarit.is/page/7127098