Go Back To Search
Do you know more?

Saumakassi

1900 - 1970
In preservation at
National Museum of Iceland
Saumakassi / saumaaskja / saumaskrín úr viði. Upphleypt skreyti úr málmi er á lokinu miðju. Skrá er á öskjunni en enginn lykill fylgir. Askjan er fóðruð að innan, lok og botn með rauðum textíl en hliðarnar með pappa í sama lit. Í lokinu innanverðu er festur borði sem nota má til að tylla áhöldum undir. Askjan er 16 cm á lengd, 9,5 cm á breidd og 6 cm á hæð. Í öskjunni eru þrjú pren úr renndu beini. Prenin eru oddmjó, en pren voru m.a. notuð til að gera göt í hannyrðum. Eitt prenanna er 8,2 cm að lengd og 0,7 cm að þvermáli þar sem það er breiðast. Hnúður situr á enda haldsins, fyrir neðan hann eru tvær renndar skífur. Annað prenanna er 8 cm að lengd og 0,9 cm að þvermáli þar sem það er breiðast. Líkt og á hinu er hnúður á enda haldsins, hann situr á einni skífu. Þriðja prenið er 6,6 cm að lengd og 0,6 cm að þvermáli þar sem það er breiðast. Haldið er samsett úr þremur hnúðum, á milli þeirra eru skífur. Í öskjunni eru einnig tvær heklunálar. Önnur þeirra er úr renndu beini líkt og prenin. Hún er 6,4 cm að lengd og 0,5 cm að þvermáli þar sem hún er breiðust. Rennd skífa er í miðju haldinu. Hin heklunálin er úr málmi, merkt framleiðandanum INOX og stærðinni 2. Í öskjunni er jafnframt brotið víravirki, það hefur mögulega tilheyrt skarti. Gefendur eru systurnar Margrét Birna (f. 1955) og Erla Björg (f. 1957) Skúladætur. Saumakassinn kom úr íbúð foreldra þeirra, Skúla Guðmundssonar (f. 1924, d. 2002) og Aðalbjargar Björnsdóttur (f. 1926, d. 2021) og var áður í þeirra eigu. Skúli var verkfræðingur og lærði bæði og starfaði um tíma í Danmörku. Aðalbjörg var framhaldsskólakennari, með M.A. í dönsku. Ekki liggja fyrir frekari upplýsingar um uppruna saumakassans né innihalds hans, en munirnir eru líklega frá fyrri hluta eða miðbiki 20. aldar. Gefendur afhentu fleiri muni úr fórum foreldra sinna, eru þeir allir skráðir undir Þjms. 2021-24. Þar á meðal er nálhús með skónálum (Þjms. 2021-24-13).

Main information

Dating
1900 - 1970
Material
Object-related numbers
"Museumnumber b": 2021-24-12
Record type
Collection
Undirskrá: Munasafn
Keywords
Keyword: Saumakassi