Lyfseðill, mannal.

1919 - 1930

In preservation at

Lyfseðilsumslag er umslag sem viðskiptavinir fengu til að geyma í fjölnota lyfseðla á milli þess sem þeir komu í apótekið til að fá afgreidd lyf. Umslögin voru gerð af metnaði eftir danskri fyrirmynd á fyrrihluta síðustu aldar. Á umslaginu er mynd af Reykjavíkur Apóteki í Thorvaldsenstræti 6, en þar stóð fyrsta Reykjavíkur Apótek frá árinu 1833. Niels Schmidt Krüger (26.6.1850-1.7.1916) apótekari lét reisa viðbyggingu við húsið (hægra megin á myndinni) um 1881. Umslagið er merkt Scheving Thorsteinsson. Þorsteinn Scheving Thorsteinsson (11.2.1890-23.4.1971) var apótekari í Reykjavíkur Apóteki 1919-1962. Þegar Þorsteinn varð apótekari höfðu ekki verið íslenskir apótekarar í Reykjavíkur Apóteki síðan 1836 eða í 83 ár. Í umslaginu er lyfseðill frá 30.4.1921.