Order a photo Terms of Use

Fjarskiptabúnaður Flugbjörgunarsveitarinnar í Reykjavík 1954-1984

1947 - 1990

In preservation at

Skógar museum

Flugbjörgunarsveitin í Reykjavík ( FBS ) var stofnuð 1950. Strax í upphafi var farið að hugsa um að koma upp fjarskiptabúnaði. Nokkrir starfsmenn Flugmálastjórnar gengu í sveitina við stofnun hennar og þar á meðal tæknimenn Radioverkstæðis Flugmálastjórnar. Flugbjörgunarsveitin fékk strax aðstöðu á Reykjavíkurflugvelli og var reyndar undir verndarvæng Flugmálastjórnar í allmörg ár á eftir og er enn að einhverju leiti. Fyrstu tækin sem FBS eignaðist voru sendi og viðtæki úr flugvélum sem starfsmenn Flugmálastjórnar á Radioverkstæðinu komu fyrir í fyrsta bíl sem sveitin hafði eignast 1954, Bedford herbíll frá Breska hernum. FBS var því fyrsta björgunarsveit á landinu sem eignaðist fjarskiptatæki í bíl. Talsverð tengsls mynduðust við varnaliðið á Keflavíkurflugvelli vegna æfinga við aðkomu að flugslysum. Þaðan komu því fljótlega nokkur fjarskiptatæki og síðar tveir Weapon bílar. Þegar svo Flugbjörgunarsveitin fékk til afnota tvo samliggjandi bragga við Nauthólsvík sem Flugmálastjórn átti eftir hernámið var komið upp öflugri fjarskiptaaðstöðu sem kom sér mjög vel í leitum og æfingum með samskipti við leitarmenn. Öll fjarskipti á þeim tíma voru á mið og stuttbylgjum. Þessi fjarskiptatæki reyndust afar vel og var Flugbjörgunarsveitin með öflugustu heimastöð í mörg ár, samanborið við aðrar sveitir sem höfðu komið sér upp fjarskiptabúnaði. Það var að hluta til vegna nálægðar við sjó og Nauthólsvík var frekar afskekkt á þeim tíma, þannig að truflanir frá byggð höfðu minni áhrif. Eftir örfá ár minnkaði aðkoma starfsmanna Radioverkstæðis Flugmálastjórnar að fjarskiptamálum FBS því nýir menn gengu í sveitina, hámenntaðir radiomenn, eins og Carl Eiríksson rafeindaverkfræðingur og Gunnar Jóhannesson rafeindavirki og loftskeytamaður. Eftir það voru fjarskiptamál FBS í enn betra lagi eins og hugsast gat á þeim tíma þar sem þeir höfðu mikinn áhuga og gáfu sér ómældan tíma við að laga og betrumbæta búnað FBS. Heimild: Sigurður Harðarson rafeindavirki og félagi í FBS.