Go Back To Search
Do you know more?

Stækkunargler

1930 - 1970
In preservation at
National Museum of Iceland
Stækkunargler með aflöngu og flötu viðarskafti. Kringlótt gler er í öðrum enda spýtunnar, um það liggur málmgjörð. Svo virðist sem hluta af áhaldinu vanti í hinn enda spýtunnar, þar er rauf þvert yfir skaftið og gat sem gengur inn í það. Mögulega hefur þar verið lítill hnífur, s.s. bréfahnífur. Skaftið hefur brotnað út frá gatinu og er því klofið í annan endann. Lengd stækkunarglersins er 12,5 cm, mesta breidd þess eru 2 cm. Þvermál glersins er 1,4 cm. Stækkunarglerið er líklega frá miðbiki 20. aldar. Stækkunarglerið var í eigu Sigríðar Guðmundsdóttur (f. 1892, d. 1977). Sigríður var fædd að Gilsstöðum í Vatnsdal í Húnavatnssýslu. Foreldrar hennar voru Guðmundur Andrésson og Jónasa Þorsteinsdóttir. Sigríður var sett í fóstur til Jóns Andréssonar föðurbróður síns og konu hans, Guðrúnar Jónsdóttur Blöndal. Sigríður gekk í Kvennaskólann í Reykjavík ásamt vinkonu sinni Kristínu Vigfúsdóttur og bjó lengst af í Reykjavík. Sigríður starfaði meðal annars sem saumakona. Hún vann við karlmannafatasaum hjá klæðaversluninni Andersen & Lauth og starfaði í mörg ár hjá Vigfúsi Guðmundssyni. Einnig starfaði hún í fatageymslu Þjóðleikhússins. Eftir andlát vinkonu sinnar sinnti sonur Kristínar, Sverrir Jónsson (f. 1924, d. 1966), Sigríði og varði hún jólunum með fjölskyldu hans. Sigríður bjó í Aðalstræti í Reykjavík en árið 1967 brann húsið. Sólveig Þorsteinsdóttir, eiginkona Sverris, tók þá Sigríði inn á heimilið og sá um hana á meðan henni entist heilsan til, en var Sverrir þá látinn. Síðustu æviárin bjó Sigríður á dvalarheimilinu Grund. Gefendur eru Sólveig Þorsteinsdóttir (f. 1931) og dætur hennar Olga (f. 1953), Kristín (f. 1957) og Þórhildur (f. 1961) Sverrisdætur. Olga afhenti gripina fyrir þeirra hönd. Mæðgurnar gáfu einnig fleiri gripi úr fórum Sigríðar sem allir eru skráðir undir Þjms. 2020-52. Að auki fylgdi þeim innrömmuð ljósmynd af prúðbúnu fólki, þ.m.t. Sigríði Guðmundsdóttur. Myndin fór til myndasafns Þjóðminjasafnsins.

Main information

Dating
1930 - 1970
Material
Object-related numbers
"Museumnumber b": 2020-52-9
Dimensions
12.5 x 2 cm Lengd: 12.5 Breidd: 2 cm
Record type
Collection
Undirskrá: Munasafn
Keywords
References
Dagblaðið. (1977, 24. mars). Andlát, bls. 17. Sótt af: https://timarit.is/page/3068111