Go Back To Search
Do you know more?

Yddari, skráð e. hlutv.

1909 - 1924
In preservation at
National Museum of Iceland
Aflangur yddari úr látúni með holu skafti. Hann er 11,5 cm á lengd. Yddarinn er merktur Simplex sharpener No. 650 frá framleiðandanum Eagle Pencil Co. sem starfaði í New York. Á handfanginu stendur með svörtu letri: "Fjølbreittastar vørur, bezt verð og gæði í tóbaksverzlun R. P. Leví REYKJAVÍK". Tóbaksverzlun R. P. Leví hóf starfsemi árið 1909. Yddarinn er því frá árunum 1909 til 1924, en um það leyti hætti R. P. Leví rekstri verslunarinnar. Yddarinn var í eigu Sigríðar Guðmundsdóttur (f. 1892, d. 1977). Sigríður var fædd að Gilsstöðum í Vatnsdal í Húnavatnssýslu. Foreldrar hennar voru Guðmundur Andrésson og Jónasa Þorsteinsdóttir. Sigríður var sett í fóstur til Jóns Andréssonar föðurbróður síns og konu hans, Guðrúnar Jónsdóttur Blöndal. Sigríður gekk í Kvennaskólann í Reykjavík ásamt vinkonu sinni Kristínu Vigfúsdóttur og bjó lengst af í Reykjavík. Sigríður starfaði meðal annars sem saumakona. Hún vann við karlmannafatasaum hjá klæðaversluninni Andersen & Lauth og starfaði í mörg ár hjá Vigfúsi Guðmundssyni. Einnig starfaði hún í fatageymslu Þjóðleikhússins. Eftir andlát vinkonu sinnar sinnti sonur Kristínar, Sverrir Jónsson (f. 1924, d. 1966), Sigríði og varði hún jólunum með fjölskyldu hans. Sigríður bjó í Aðalstræti í Reykjavík en árið 1967 brann húsið. Sólveig Þorsteinsdóttir, eiginkona Sverris, tók þá Sigríði inn á heimilið og sá um hana á meðan henni entist heilsan til, en var Sverrir þá látinn. Síðustu æviárin bjó Sigríður á dvalarheimilinu Grund. Gefendur eru Sólveig Þorsteinsdóttir (f. 1931) og dætur hennar Olga (f. 1953), Kristín (f. 1957) og Þórhildur (f. 1961) Sverrisdætur. Olga afhenti gripina fyrir þeirra hönd. Mæðgurnar gáfu einnig fleiri gripi úr fórum Sigríðar sem allir eru skráðir undir Þjms. 2020-52. Að auki fylgdi þeim innrömmuð ljósmynd af prúðbúnu fólki, þ.m.t. Sigríði Guðmundsdóttur. Myndin fór til myndasafns Þjóðminjasafnsins.

Main information

Dating
1909 - 1924
Material
Object-related numbers
"Museumnumber b": 2020-52-8
Dimensions
11.5 x 0 cm Lengd: 11.5 cm
Record type
Collection
Undirskrá: Munasafn
Keywords
References
Dagblaðið. (1977, 24. mars). Andlát, bls. 17. Sótt af: https://timarit.is/page/3068111 Frjáls verslun. (1954, 1. desember). Gömul verzlunarfyrirtæki: Tóbaksverzlun R. P. Leví, Reykjavík, bls. 130. Sótt af: https://timarit.is/page/3149907