Go Back To Search
Do you know more?

Pennastokkur

1900 - 1950
In preservation at
National Museum of Iceland
Sívalur pennastokkur úr viði. Stokkurinn er í tveimur pörtum, annar þeirra gengur inn í hinn og lokar stokkinum. Ytri hlið stokksins er dökkbrún en sú innri ljósleit. Sprungur eru í hólkinum sem liggur utan um hinn. Stokkurinn er 31,5 cm á lengd og um 3,5 cm að breidd. Stokkurinn virðist vera frá fyrri hluta 20. aldar. Í stokknum eru þrjár pennastangir og einn pensill. Pennastangirnar eru allar úr viði. Sú lengsta er 19,5 cm, ljósbrún með grafinni áletrun þýska framleiðandans Heintze & Blanckertz. Önnur er 18,2 cm að lengd og svört að lit. Sú stysta er 14,7 cm á lengd, brún í grunninn en með máðu, svörtu yfirlagi. Pensillinn er einnig úr viði, plasthólkur er á milli haldsins og háranna. Fjólublár litur er í hárum og á haldi. Pensillinn er 14 cm að lengd. Pennastokkurinn var í eigu Sigríðar Guðmundsdóttur (f. 1892, d. 1977). Sigríður var fædd að Gilsstöðum í Vatnsdal í Húnavatnssýslu. Foreldrar hennar voru Guðmundur Andrésson og Jónasa Þorsteinsdóttir. Sigríður var sett í fóstur til Jóns Andréssonar föðurbróður síns og konu hans, Guðrúnar Jónsdóttur Blöndal. Sigríður gekk í Kvennaskólann í Reykjavík ásamt vinkonu sinni Kristínu Vigfúsdóttur og bjó lengst af í Reykjavík. Sigríður starfaði meðal annars sem saumakona. Hún vann við karlmannafatasaum hjá klæðaversluninni Andersen & Lauth og starfaði í mörg ár hjá Vigfúsi Guðmundssyni. Einnig starfaði hún í fatageymslu Þjóðleikhússins. Eftir andlát vinkonu sinnar sinnti sonur Kristínar, Sverrir Jónsson (f. 1924, d. 1966), Sigríði og varði hún jólunum með fjölskyldu hans. Sigríður bjó í Aðalstræti í Reykjavík en árið 1967 brann húsið. Sólveig Þorsteinsdóttir, eiginkona Sverris, tók þá Sigríði inn á heimilið og sá um hana á meðan henni entist heilsan til, en var Sverrir þá látinn. Síðustu æviárin bjó Sigríður á dvalarheimilinu Grund. Gefendur eru Sólveig Þorsteinsdóttir (f. 1931) og dætur hennar Olga (f. 1953), Kristín (f. 1957) og Þórhildur (f. 1961) Sverrisdætur. Olga afhenti gripina fyrir þeirra hönd. Mæðgurnar gáfu einnig fleiri gripi úr fórum Sigríðar sem allir eru skráðir undir Þjms. 2020-52. Að auki fylgdi þeim innrömmuð ljósmynd af prúðbúnu fólki, þ.m.t. Sigríði Guðmundsdóttur. Myndin fór til myndasafns Þjóðminjasafnsins.

Main information

Dating
1900 - 1950
Material
Object-related numbers
"Museumnumber b": 2020-52-6
Dimensions
31.5 x 3.5 cm Lengd: 31.5 Breidd: 3.5 cm
Record type
Collection
Undirskrá: Munasafn
Keywords
References
Dagblaðið. (1977, 24. mars). Andlát, bls. 17. Sótt af: https://timarit.is/page/3068111