Go Back To Search
Do you know more?

Stokkur, óþ. hlutv.

1898
In preservation at
National Museum of Iceland
Útskorinn smástokkur með höfðaletri. Stokkurinn er opinn en hefur upprunalega verið með renniloki. Þrír höfðaletursstafir eru á annarri langhliðinni, virðist sem þar standi "M [?] R". Á hinni langhliðinni er ártalið 1898 útskorið. Á annarri skammhliðinni eru skorinn ferhyrningur, í honum eru fjórar rúður með x-i innan í. Á hinni skammhliðinni er skorinn spírall. Stokkurinn er 7,6 cm á lengd, 3,1 cm á breidd og 3,2 cm á hæð. Stokkurinn var í eigu Sigríðar Guðmundsdóttur (f. 1892, d. 1977). Sigríður var fædd að Gilsstöðum í Vatnsdal í Húnavatnssýslu. Foreldrar hennar voru Guðmundur Andrésson og Jónasa Þorsteinsdóttir. Sigríður var sett í fóstur til Jóns Andréssonar föðurbróður síns og konu hans, Guðrúnar Jónsdóttur Blöndal. Sigríður gekk í Kvennaskólann í Reykjavík ásamt vinkonu sinni Kristínu Vigfúsdóttur og bjó lengst af í Reykjavík. Sigríður starfaði meðal annars sem saumakona. Hún vann við karlmannafatasaum hjá klæðaversluninni Andersen & Lauth og starfaði í mörg ár hjá Vigfúsi Guðmundssyni. Einnig starfaði hún í fatageymslu Þjóðleikhússins. Eftir andlát vinkonu sinnar sinnti sonur Kristínar, Sverrir Jónsson (f. 1924, d. 1966), Sigríði og varði hún jólunum með fjölskyldu hans. Sigríður bjó í Aðalstræti í Reykjavík en árið 1967 brann húsið. Sólveig Þorsteinsdóttir, eiginkona Sverris, tók þá Sigríði inn á heimilið og sá um hana á meðan henni entist heilsan til, en var Sverrir þá látinn. Síðustu æviárin bjó Sigríður á dvalarheimilinu Grund. Gefendur eru Sólveig Þorsteinsdóttir (f. 1931) og dætur hennar Olga (f. 1953), Kristín (f. 1957) og Þórhildur (f. 1961) Sverrisdætur. Olga afhenti gripina fyrir þeirra hönd. Mæðgurnar gáfu einnig fleiri gripi úr fórum Sigríðar sem allir eru skráðir undir Þjms. 2020-52. Að auki fylgdi þeim innrömmuð ljósmynd af prúðbúnu fólki, þ.m.t. Sigríði Guðmundsdóttur. Myndin fór til myndasafns Þjóðminjasafnsins.

Main information

Dating
1898
Material
Object-related numbers
"Museumnumber b": 2020-52-4
Dimensions
7.6 x 3.1 x 3.2 cm Lengd: 7.6 Breidd: 3.1 Hæð: 3.2 cm
Record type
Collection
Undirskrá: Munasafn
Keywords
References
Dagblaðið. (1977, 24. mars). Andlát, bls. 17. Sótt af: https://timarit.is/page/3068111