Go Back To Search
Do you know more?

Prjónastokkur

1908
In preservation at
National Museum of Iceland
Ferstrendur prjónastokkur með renniloki. Stokkurinn er útskorinn á öllum hliðum og á loki. Langhliðarnar tvær eru skreyttar samhverfum mynsturbekk; röð tígla sem mætast á hornunum, í hverjum tígli er áttblaðarós. Harmonikkumynstur er á milli tíglanna. Svipað mynstur er á loki stokksins; fjórar rósir eða stjörnur með mismörgum örmum/blöðum á sitt hvorum enda, í miðju lokinu er fangamark umvafið greinastrengjum: SGD. Á botni stokksins er útskorið "Anno 1908". Prjónastokkurinn er í góðu ástand, en hefur bólgnað eilítið út fyrir miðju. Prjónastokkurinn var í eigu Sigríðar Guðmundsdóttur (f. 1892, d. 1977). Sigríður var fædd að Gilsstöðum í Vatnsdal í Húnavatnssýslu. Foreldrar hennar voru Guðmundur Andrésson og Jónasa Þorsteinsdóttir. Sigríður var sett í fóstur til Jóns Andréssonar föðurbróður síns og konu hans, Guðrúnar Jónsdóttur Blöndal. Sigríður gekk í Kvennaskólann í Reykjavík ásamt vinkonu sinni Kristínu Vigfúsdóttur og bjó lengst af í Reykjavík. Sigríður starfaði meðal annars sem saumakona. Hún vann við karlmannafatasaum hjá klæðaversluninni Andersen & Lauth og starfaði í mörg ár hjá Vigfúsi Guðmundssyni. Einnig starfaði hún í fatageymslu Þjóðleikhússins. Eftir andlát vinkonu sinnar sinnti sonur Kristínar, Sverrir Jónsson (f. 1924, d. 1966), Sigríði og varði hún jólunum með fjölskyldu hans. Sigríður bjó í Aðalstræti í Reykjavík en árið 1967 brann húsið. Sólveig Þorsteinsdóttir, eiginkona Sverris, tók þá Sigríði inn á heimilið og sá um hana á meðan henni entist heilsan til, en Sverrir var þá látinn. Síðustu æviárin bjó Sigríður á dvalarheimilinu Grund. Gefendur eru Sólveig Þorsteinsdóttir (f. 1931) og dætur hennar Olga (f. 1953), Kristín (f. 1957) og Þórhildur (f. 1961) Sverrisdætur. Olga afhenti gripina fyrir þeirra hönd. Mæðgurnar gáfu einnig fleiri gripi úr fórum Sigríðar sem allir eru skráðir undir Þjms. 2020-52. Að auki fylgdi þeim innrömmuð ljósmynd af prúðbúnu fólki, þ.m.t. Sigríði Guðmundsdóttur. Myndin fór til myndasafns Þjóðminjasafnsins.

Main information

Dating
1908
Material
Object-related numbers
"Museumnumber b": 2020-52-1
Dimensions
18.6 x 4.7 x 5 cm Lengd: 18.6 Breidd: 4.7 Hæð: 5 cm
Record type
Collection
Undirskrá: Munasafn
Keywords
References
Dagblaðið. (1977, 24. mars). Andlát, bls. 17. Sótt af: https://timarit.is/page/3068111