Listaverk
1930 - 1952
In preservation at
Herring Era Museum
Málverk eftir Thv. Molander. Thorvald Antonius Molander var sænsk/finnskur listamaður sem var búsettur á Íslandi á árunum 1930-1952.
Verkið sýnir fossinn Laxfoss sem er að finna í Norðurá í Norðurárdal i Borgarfirði, en í fjarska, vinstramegin, má sjá þríhyrnt fjall sem er fjallið Baula. Húsin tvö á myndinni voru byggð af Friðriki Jónssyni, það sem er nær árbakkanum var byggt árið 1907 og var notað sem veiðihús, og var það fyrsa sem var byggt við bakka Norðurár. Húsið vinstra megin byggði Friðrik árið 1920 og notaði sem sumarhús fyrir fjölskyldu sína og vini. Friðrik bannaði veiðar með netum í Norðurá og lagði með því grunninn af þessum vinsæla laxveiðistað, en Norðurá er af mörgum talinn ein besta laxveiðiá landsins, með um 2000 laxa árlega veiði.
Málverkið er úr fórum Snorra Stefánssonar (06.08.1895 - 23.01.1987) og Sigríðar Jónsdóttur (28.11.1889 – 27.12.1972) í Hlíðarhúsi Siglufirði.
Anna Snorradóttir, dóttir þeirra hjóna, (15.06.1926 – 15.05.2020) áhafnaði Síldarminjasafni Íslands Hlíðarhús, ásamt öllu innbúi. Húsið var byggt árið 1898 og var í eigu fjölskyldu Önnu í rúm 100 ár. Snorri flutti til Siglufjarðar ásamt foreldrum sínum 12 ára gamall og festu þau kaup á húsinu árið 1907. Húsið var stækkað tvisvar, 1924 og 1928, en þá tók það á sig núverandi mynd. Snorri var um tíma framkvæmdarstjóri í Síldarverksmiðju Siglufjarðarkaupstaðar en hann bjó í húsinu þar til hann lést háaldraður árið 1987.
Main information
Donor: Anna Snorradóttir
Dating
1930 - 1952
Object-related numbers
Museumnumber a: SÍ
"Museumnumber b": 2023-181-2
Dimensions
61.2 x 81.5 x 2.2 cm
Lengd: 61.2 Breidd: 81.5 Hæð: 2.2 cm
Place
Núverandi sveitarfélag: Fjallabyggð, Fjallabyggð
Record type
Collection
Undirskrá: Almenn munaskrá
Keywords