Bréfabindi
1955 - 1960
In preservation at
National Museum of Iceland
Bréfabindi, eða mappa, framleitt af Öskju hf. Bindið er 25 x 21 cm að stærð. Marmaramynstur skreytir bréfabindið að innan- og utanverðu. Ytri hliðar þess eru dökkgráar að lit en þær innri grábláar. Kjölurinn er svartur að lit og á hann er límdur miði með nokkrum línum, þekur hann nánast allan kjölinn. Efst og neðst á miðanum er merki framleiðandans, "ASKJA" í fölgrænum stöfum inni í svörtu A-i í þrívídd. Fölgrænar og svartar rendur eru fyrir aftan merkið, þvert yfir miðann. Fingurgat með málmhring er neðarlega á kili, ofan við neðra merkið. Inni í bréfabindinu er blaðabogi úr málmi með þvingu og spennu. "LEITZ" er greypt í bæði. Neðri brún bindisins er farin að slitna.
Gefandi er Jón Örn Bjarnason (f. 1950). Askja hf. var stofnað á fimmta áratug 20. aldar og framleiddi fyrst pappaöskjur, en síðar vandaðar pappírsvörur af ýmsu tagi, bréfabindi, lausblaðabækur, stílabækur, teikniblokkir og fleira. Fyrirtækið var rekið í u.þ.b. tvo áratugi, en þá tók Kassagerð Reykjavíkur við vélum og framleiðslu þess. Skrifstofuvörur frá Öskju voru algengar á uppvaxtarárum gefanda. Bréfabindið, sem gefandi telur vera frá því um 1960, var í notkun á heimili foreldra hans, Bjarna Jónssonar (f. 1909, d. 1999) bæklunarskurðlæknis og Þóru Árnadóttur (f. 1914, d. 1996), allt þar til faðir hans lést. Í bindinu geymdi Bjarni kvittanir og önnur plögg sem vörðuðu rekstur bifreiðar hans. (Upplýsingar fengnar frá gefanda).
Main information
Dating
1955 - 1960
Material
Object-related numbers
"Museumnumber b": 2022-65-6
Dimensions
25 x 21 cm
Lengd: 25 Breidd: 21 cm
Record type
Collection
Undirskrá: Munasafn
Keywords