Servíettupoki
1913 - 1915
In preservation at
National Museum of Iceland
Servíettupoki, saumaður úr hvítum vefnaði, trúlega hör eða baðmull. Pokinn er saumaður úr einu stykki sem hefur verið faldað og saumað saman á hliðum, og myndar þannig poka með loki sem brotið er yfir pokann. Þrjár hvítar tölur eru framan á pokanum sem hneppa má við þrjár lykkjur sem saumaðar eru í lokið innanvert. Meðfram hliðum og á loki eru saumaðar þrjár samsíða rendur, tvær rauðar og ein fölblá á milli. Á lokið eru saumaðir stafirnir DÁ, fangamark Dagnýjar Árnadóttur (f. 1898, d. 1925). Pokinn er 26 x 17,5 cm að stærð lokaður, en 26 x 26 cm opinn.
Gefandi er Jón Örn Bjarnason (f. 1950). Dagný Kristjana Árnadóttir var dóttir Árna Eiríkssonar (f. 1868, d. 1917) verslunarmanns, síðar kaupmanns, og fyrri konu hans, Þóru Sigurðardóttur (f. 1873, d. 1904). Árni var betur þekktur sem leikari, en hann var einn af burðarásum leiklistar í Reykjavík um aldamótin 1900. Þóra lék einnig á sviði, þó um skemmri tíma. Þau hjónin voru í hópi þeirra 19 sem stofnuðu Leikfélag Reykjavíkur 1897. Dagný var elsta barn þeirra. Hún fór snemma að koma fram á leiksviði, t.d. í hlutverki Louison í Ímyndunarveiki Moliere 1910 og 1911, sem dansmær í Álfhól eftir Heiberg veturinn 1912-1913, og sem Þórdís í Syndum annarra eftir Einar H. Kvaran árið 1915. Telur gefandi líklegt að Dagný hafi saumað pokann um 1913-1915. Hún fluttist til Kanada sumarið 1921 og bjó fyrst í Winnipeg, en síðar í Saskatchewan. Árið 1924 giftist hún þar skoskum bankastarfsmanni, Herbert William Ogg. Rúmu ári síðar lést Dagný á Vancouver-eyju. Dagný var hálfsystir Þóru Árnadóttur (f. 1914, d. 1996), móður gefanda, og komst servíettupokinn þannig í hendur hans. (Upplýsingar fengnar frá gefanda).
Main information
Dating
1913 - 1915
Material
Object-related numbers
"Museumnumber b": 2022-65-8
Dimensions
26 x 17.5 cm
Lengd: 26 Breidd: 17.5 cm
Record type
Collection
Undirskrá: Munasafn
Keywords
Keyword: Servíettupoki