Teppi, skráð e. hlutv.
1942
In preservation at
National Museum of Iceland
Ábreiða eða teppi, ofið úr gráleitri ull. Í teppið eru ofnir rauðir bekkir, þrír við hvorn enda þess. Mjórri bekkirnir eru rauðir og mitt á milli þeirra er breiður, rauðgrár bekkur með sjö rauðum krossum. Þegar horft er á teppið "á röngunni" snúast litirnir við. Báðir endar teppisins eru faldaðir. Nokkur slitgöt eru á teppinu, en gert hefur verið við sum þeirra. Teppið er 225 x 145 cm að stærð.
Gefandi er Jón Örn Bjarnason (f. 1950). Teppið er frá árum seinni heimstyrjaldarinnar. Faðir gefanda, Bjarni Jónsson (f. 1909, d. 1999) bæklunarskurðlæknir, starfaði fyrir loftvarnanefnd Reykjavíkur í nokkra mánuði árið 1941, en sumarið 1942 var hann ráðinn til starfa hjá Rauða krossi Íslands. Eiginkona hans og móðir gefanda, Þóra Árnadóttir (f. 1914, d. 1996), vann þar með honum í sjálfboðastarfi. Sumarið 1941 tóku Bandaríkjamenn við hervernd Íslands af Bretum. Í janúar 1942 komu hingað til lands sendifulltrúar á vegum Rauða kross Bandaríkjanna. Kynntu þeir sér stöðu heilbrigðismála hér og könnuðu öryggisviðbúnað. Sáu þeir fljótt hversu vanbúnir Íslendingar voru. Charles McDonald, framkvæmdastjóri bandaríska Rauða krossins hér á landi, gekkst þá fyrir því að Rauði kross Bandaríkjanna sendi hjálpargögn til Íslands og bárust þau hingað vorið 1942. Meðal þess sem kom voru sjúkrabörur, hundruð sjúkrarúma með dýnum og sængurfatnaði, gifs og grisjustrangar fyrir gifs, þúsundir sárabinda og margt fleira. Þar á meðal voru 7400 teppi. Einhverra hluta vegna áskotnaðist foreldrum gefanda eitt teppanna eftir að stríðinu lauk. Var það síðan haft til ýmissa nota á heimilinu upp frá því á meðan þau lifðu. Síðustu tvo áratugina höfðu gefandi og systir hans, Vilborg Bjarnadóttir (f. 1944), notað teppið öðru hverju. Vilborg gerði nokkrum sinnum við slit í teppinu, en nokkur slitgöt eru þó enn á því. Þó er teppið í góðu ástandi, þrátt fyrir mikla notkun. (Upplýsingar fengnar frá gefanda).
Main information
Dating
1942
Material
Object-related numbers
"Museumnumber b": 2022-65-18
Dimensions
225 x 145 cm
Lengd: 225 Breidd: 145 cm
Record type
Collection
Undirskrá: Munasafn
Keywords