Bakpoki
1971
In preservation at
National Museum of Iceland
Rauður bakpoki á grind. Pokinn er bandarísk smíði, af gerðinni Kelty, 83 x 45 x 28 cm að stærð. Pokinn er úr ofnum nælondúk og festur með pinnum á ytri grind úr áli. Auga er á hverjum pinna, og í gegnum þau rennt stífum vír. Bakpokinn er óskipur, þ.e. allur eitt hólf, en með tvo vasa að utanverðu á hvorri hlið pokans og einn framan á pokanum. Þeim er lokað með rennilásum. Pokanum sjálfum er lokað með dúk sem lagður er yfir opið að ofan, en dúkurinn festur niður með snúrum sem renna í festingum og unnt er að herða með sérstökum fjaðraklemmum. Framan á dúknum er merki framleiðandans, Kelty, saumað í pokann. Á grindinni er ól sem spennist um mjaðmirnar, og taka þær þá mesta þungan af öxlunum. Með pokanum fylgir bogi úr áli, sem unnt er að festa efst á grindina. Við bogann má binda ýmsan aukabúnað. Þá fylgir pokanum vatnsheld yfirbreiðsla, og leiðarvísir á gulu blaði. Pokann má losa af grindinni og er þannig unnt að nota hana til að bera ýmsan búnað, sem ekki fer vel í poka.
Gefandi er Jón Örn Bjarnason (f. 1950). Bakpokann keypti hann í verslun Eastern Mountain Sports á Commonwealth Avenue í Boston vorið 1971, ásamt ísöxi (Þjms. 2022-65-19). Pokann notaði hann fram yfir 1980, en minna eftir það og ekkert eftir 1994, enda hafði hann þá fengið sér annan poka og betri. Bakpokinn er því í mjög góðu ástandi og sér lítið á honum.
Bakpokar af þessu tagi voru harla sjaldséðir hérlendis, þegar gefandi kom heim með pokann vorið 1971, en voru þá orðnir nokkuð algengir í Bandaríkjunum, einkum vestan til. Má raunar segja að þeir hafi verið nær óþekktir hér á landi á þessum tíma. Pokinn vakti því athygli hvar sem gefandi fór. Þeir sem stunduðu gönguferðir um fjöll og óbyggðir hér á þessum árum, og þeir voru ekki ýkja margir, notuðu flestir norska poka frá Bergans, af gerð sem þá hafði verið við lýði í áratugi. Þessir norsku pokar voru fremur þungir og óþægilegir. Þyngdarpunkturinn lá mjög aftarlega, svo göngumaður varð að halla sér fram, og engin var mittisólin, þannig að þunginn lá allur á öxlunum. Grindarpokar sem þessi þóttu því mikil framför og tóku smátt og smátt við af þeim gömlu. (Upplýsingar fengnar frá gefanda).
Main information
Dating
1971
Material
Object-related numbers
"Museumnumber b": 2022-65-20
Dimensions
45 x 28 x 83 cm
Lengd: 45 Breidd: 28 Hæð: 83 cm
Record type
Collection
Undirskrá: Munasafn
Keywords
Keyword: Bakpoki