Innsigli
1805 - 1827
In preservation at
National Museum of Iceland
Signet Hans Jónatans, verslunarstjóra og bónda. Innsiglið er sporöskjulaga, 2,5 x 2,3 cm að stærð. Lengd haldsins er 2,5 cm. Innsiglið er úr gylltum málmi og í það eru greyptir upphafsstafirnir "HKJ", í kring eru tveir hringir upp við brún innsiglisins. Með fylgir notað innsiglislakk í rauðum lit, sótugt og bráðið í annan endann. Lakkið er 5,5 cm að lengd og 1,3 cm á breidd. Á því má greina hluta merkingar "Tel", en restin hefur bráðnað.
Gefandi er afkomandi Hans Jónatans, Ólafía Þórunn Stefánsdóttir (f. 1953) en henni áskotnaðist signetið frá öðrum afkomendum. Hans Jónatan fæddist árið 1784 í þrældóm á eyjunni St. Croix í Karíbahafi sem var þá dönsk nýlenda. Móðir hans var ambátt af afrískum ættum en faðir hans líklega hvítur Dani. Hans Jónatan var fluttur til Kaupmannahafnar 1789 þar sem hann síðar flúði þrældóm sinn. Hann gekk í danska sjóherinn og var síðar handsamaður og dæmdur í áframhaldandi þrælahald. Aftur strauk hann og misstu dönsk yfirvöld sjónar af honum. Árið 1805, nokkrum árum eftir flóttann, dúkkaði hann upp á Djúpavogi og settist að lokum þar að. Hann varð verslunarstjóri dönsku verslunarsstöðvarinnar á Djúpavogi og síðar bóndi. Hans Jónatan gekk að eiga Katrínu Antoníusdóttur árið 1820 og eignuðust þau þrjú börn, þar af tvö sem komust á legg. Hans Jónatan lést árið 1827. Fangamarkið á innsiglinu gefur til kynna að það hafi tilheyrt Hans Jónatan, en óvíst er hvað stafurinn K stendur fyrir. Samkvæmt gefanda koma þó nöfnin Hans og Kristján oft fyrir í mörgum ættliðum, stundum saman og stundum í sitt hvoru lagi.
Main information
Dating
1805 - 1827
Material
Object-related numbers
"Museumnumber b": 2021-4
Dimensions
2.5 x 2.3 x 2.5 cm
Lengd: 2.5 Breidd: 2.3 Hæð: 2.5 cm
Record type
Collection
Undirskrá: Munasafn
Keywords