Go Back To Search
Do you know more?

Skólahandavinna

1905 - 1915
In preservation at
National Museum of Iceland
Renningur, saumaður saman úr ýmsum skólaverkefnum. Verkefnin eru af ólíkum gerðum og efnum, allt frá sokkaprjóni yfir í útsaumsprufur. Verkefnin eru saumuð saman með mislitum þráðum og ólíkum sporum á fölbleikan bakgrunn. Borði er saumaður meðfram langhliðunum og rammar verkefnin inn. Klippt hefur verið út verkefni á einum stað í renningnum. Renningurinn er 21 cm á breidd og 382 cm á lengd. Með renningnum fylgir útsaumuð mynd af hvítum ketti með appelsínurauða slaufu um hálsinn. Kötturinn er saumaður út í vínrautt felt. Myndin var á sínum tíma klippt út úr renningnum og sett í ramma, undir gler. Ramminn er gylltur en þá glittir í svart undirlag, á bakhliðinni er strengdur vír til að hengja myndina upp. Ramminn er 20 x 13 cm að stærð. Gefendur eru Sigurður (f. 1942), Bengta Nikólína (f. 1945), Alma (f. 1949), Eiríkur (f. 1953) og Ólafur Örn (f. 1957) Þorláksbörn. Móðuramma gefenda, Bengta Karólína Andersen (f. 1892, d. 1975) saumaði renninginn, líklega sem skólaverkefni í Kvennaskólanum í Reykjavík á 1. eða 2. áratug síðustu aldar. Renningurinn er ágætis dæmi um það handbragð sem stúlkum var kennt á þeim tíma. Foreldrar Bengtu voru Hans Andersen klæðskeri (f. 1856, d. 1905) og Helga Andersen (f. 1861, d. 1934). Hans rak klæðskerafirmað H. Andersen & Sön, en Helga og synir þeirra hjóna tóku við fyrirtækinu við andlát hans. Bengta gekk í Landakotsskóla og síðar Kvennaskólann, þar sem hún fékk mikla þjálfun í saumaskap og handverki. Hún giftist Sigurði Kristni Guðlaugssyni málarameistara (f. 1887, d. 1948) og tóku þau að sér og ættleiddu síðar Önnu Ingibjörgu Sigurðardóttur (f. 1921, d. 1996). Saumverk voru ætíð áberandi á heimili fjölskyldunnar. Eftir andlát eiginmanns síns bjó Bengta áfram hjá dóttur sinni og fjölskyldu hennar. Renningurinn hefur ávallt verið innan fjölskyldunnar, fyrst hjá Bengtu, þá dóttur hennar Önnu Ingibjörgu, þá dótturdóttur hennar og nöfnu Bengtu Nikólínu. (Upplýsingar um ævi Bengtu fengnar frá barnabörnum hennar).

Main information

Dating
1905 - 1915
Material
Object-related numbers
"Museumnumber b": 2021-64
Dimensions
382 x 21 cm Lengd: 382 Breidd: 21 cm
Record type
Collection
Undirskrá: Munasafn
Keywords