Order a photo Terms of Use

Fjöl, útskorin

1858

In preservation at

Skagafjörður Heritage Museum

Rúmfjölin er úr viði, 121 cm á lengd og 20,5 til 20,8 cm á breidd. Á bakhlið er enginn útskurður en að framan er hún öll útskorinn. Útskurðinum má skipta í þrennt en í miðju er útskorin bænin „WERTU-YFIR-OG-ALT-UMM-KRING-MED-EYLIFRI-BLESSAN-ÞINNI-SITJE-DUDS-EINGLAR-SAMANN-Y-HRJNG SÆNGINNI-YFIR-MINNI-X-Þann-19-April-1858. Bænin er í 4 línum. Sitt hvoru megin við bænina eru útskornir hringir inni í ramma, í hverju horni rammans er útskorinn hringur með blómi inn í. Í hringnum vinstra meginn er útskorið nafnið „Jóhann“ í efri línu og í neðri línu er nafnið „Þórgeirs-S“. Fyrir ofan og neðan við nafnið er útskorinn bekkur með hringjum. Hinn hringurinn er eins, nema þar er annað nafn; „Lilja:S“ í efri línu og í neðri línu er „Ölva:dottir“. Fjölin er ágætlega farin en greinilega mikið notuð. Smá leifar af hvítri málingu hafa nuddast á bakhlið. Gefandi er Bolli Gíslason, fæddur 1961. Langamma Bolla hét Margrét Björnsdóttir (12.01.1897-27.05.1988) og fæddist í Brekku í Lýtingsstaðahreppi. Móðir hennar bjó að Hofi á Höfðaströnd. Rúmfjölin er frá Margréti komin til gefanda en hún hefur verið í fjölskyldunni í nokkra ættliði. Á fjölina eru rist tvö nöfn, Jóhann Þórgeirsson og Lilja Sölvadóttir. Í Skagfirskum æviskrám (1850-1890, bindi I) er skrifað um hjónin Jóhann og Lilju. Jóhann Þorgeirsson var fæddur 1820 í Stóru-Brekku í Fljótum og drukknaði í sjó 1874. Hann var kvæntur Lilju Sölvadóttur, sem fædd var 1819 á Fjalli í Sléttuhlíð og dáin 1901 á Arnarstöðum í Sléttuhlíð. Óvíst er hvernig rúmfjölin er komin í eigu Margrétar.