Order a photo Terms of Use

Snældustokkur

1892 - 1894

In preservation at

Skógar museum

Snældustokkur smíðaður af langafa gefanda Jóni Jónssyni á Lambafelli u.E. 1892-1894. Gefandi Sigurjón Pálsson á Selfossi, sonur Páls Jónssonar frá Ásólfsskála og Solveigar Pétursdóttur frá Lambafelli. Stokkurinn sjálfur er úr mahoní, með furubotni, geirnegldur og eirnegldur. Þráðartréð er með rennismíði. Tenging þess og stokks eru skrautkringlur úr kopar, 6 cm í þvermál. Í annari er upphafsstafurinn S, í hinni upphafsstafurinn J. Þetta táknar Steinunn Jónsdóttir. Jón á Lambafelli smíðaði stokkinn handa Steinunni dóttur sinni, lengi húsfreyju á Lambafelli. Frá henni gekk hann til dóttur hennar, Solveigar Pétursdóttur. Stokkurinn er gefinn af Sigurjóni syni Solveigar með vilja hennar. Stærð á framhlið 24 x 6 cm., breidd 11 cm, hæð 16,5 cm. Rennilok. Á annan gafl er skorið ÁR 1892, á hin 1894. Stokkurinn er einstæður gripur. Skógasafn á nokkra gripi eftir Jón á Lambafelli, marga eftir Steingrím bróður hans á Fossi, glitofna sessu og fótvefnað eftir Guðnýju systur þeirra og glitofið söðuláklæði eftir Ragnhildi á Heiði, systur þeirra.